മദ്യലഹരിയില്‍ ക്ഷേത്രത്തിന് സമീപം അര്‍ധനഗ്‌നരായി പോണോഗ്രാഫിക് ഡാന്‍സ്; അറസ്റ്റിലായവരില്‍ യുവാക്കളും യുവതികളും

ലണ്ടന്‍: മദ്യലഹരിയില്‍ ക്ഷേത്രത്തിന് സമീപം അര്‍ധനഗ്നരായി ഡാന്‍സ് ചെയ്ത യുവാക്കള്‍ പൊലീസ് അറസ്റ്റിലായി . പുരാതന ക്ഷേത്രമായ അംഗോര്‍വാട്ടിന് സമീപത്ത് വച്ചാണ് അറസ്റ്റിലായത്. ഇവിടെ അര്‍ധനഗ്‌നരായി അഴിഞ്ഞാടിയെന്ന കുറ്റം ചുമത്തിയാണ് പൊലീസ് ഇവരെ അറസ്റ്റ് ചെയ്തിരിക്കുന്നത്. ഇവര്‍ക്കൊപ്പം മറ്റ് നിരവധി ചെറുപ്പക്കാരും തുണിയുരിഞ്ഞതിന്റെ പേരില്‍ അകത്തായിട്ടുണ്ടെന്നും റിപ്പോര്‍ട്ടുണ്ട്. എന്നാല്‍ തങ്ങളെ എന്തിനാണ് അറസ്റ്റ് ചെയ്തിരിക്കുന്നതെന്ന് ഇനിയും മനസിലായിട്ടില്ലെന്നാണ് ഇവര്‍ പ്രതികരിച്ചിരിക്കുന്നത്.’ പോണോഗ്രാഫിക്ക് ഡാന്‍സ്’ ചെയ്തുവെന്ന കുറ്റം ചുമത്തിയാണ് ഇവരെ അറസ്റ്റ് ചെയ്തിരിക്കുന്നതെന്നാണ് പൊലീസ് ഭാഷ്യം. എന്നാല്‍ തങ്ങള്‍ നിരപരാധികളാണെന്നാണ് പിടിയിലായവര്‍ പറയുന്നത്.

അന്‍ഗോര്‍ വാട്ടിന് സമീപത്തുള്ള പ്രശസ്തമായ ടൗണായ സിയം റീപ്പില്‍ വച്ചാണ് ചെറുപ്പക്കാരെ അറസ്റ്റ് ചെയ്തിരിക്കുന്നത്. കമ്പോഡിയയുടെ വടക്ക് പടിഞ്ഞാറ് ഭാഗത്താണീ പ്രദേശം. .19നും 35നും ഇടയില്‍ പ്രായമുള്ളവരെയാണ് അറസ്റ്റ് ചെയ്തതെന്നും പൊലീസ് വെളിപ്പെടുത്തുന്നു. ചോദ്യം ചെയ്തതിന്റെ അടിസ്ഥാനത്തില്‍ ഇവരെ പ്രൊവിന്‍ഷ്യല്‍ കോടതിയില്‍ ഹാജരാക്കി. cambodiaexpatsonline.com അറസ്റ്റിലായവരുടെ നിരവധി അര്‍ധനഗ്‌ന ചിത്രങ്ങള്‍ പുറത്ത് വിട്ടിട്ടുണ്ട്. യുവതീയുവാക്കള്‍ അര്‍ധനഗ്‌നരായി അടുത്തിടപഴകുന്നതിന്റെ ചിത്രങ്ങള്‍ ഇതില്‍ കാണാം.

എന്നാല്‍ ഇത്തരത്തില്‍ ഫോട്ടോയില്‍ പ്രത്യക്ഷപ്പെട്ട ആരെയും അറസ്റ്റ് ചെയ്തിട്ടില്ലെന്നാണ് നിലവില്‍ കസ്റ്റഡിയില്‍ കഴിയുന്നവര്‍ പറയുന്നത്. വ്യഴാഴ്ച പ്രാദേശിക സമയം വൈകുന്നേരം നാല് മണിക്ക് ഇവിടെ വില്ല പാര്‍ട്ടി ബാര്‍ബിക്യു നടന്ന് വരുമ്പോഴാണ് പൊലീസ് എത്തി പ്രകോപനമൊന്നുമില്ലാതെ അറസ്റ്റ് ചെയ്തതെന്നാണ് പിടിയിലായവര്‍ പറയുന്നത്. അറസ്റ്റിനെക്കുറിച്ച് വ്യത്യസ്തരായവരില്‍ നിന്നും തികച്ചും വ്യത്യസ്തമായ റിപ്പോര്‍ട്ടുകളാണ് തങ്ങള്‍ക്ക് ലഭിക്കുന്നതെന്ന് പിടിയിലായവര്‍ വെളിപ്പെടുത്തുന്നു. ഇവിടെ നൂറോളം പേരായിരുന്നു പാര്‍ട്ടിക്കെത്തിയിരുന്നതെന്നും അവരില്‍ ചിലര്‍ ടൂറിസ്റ്റുകളായിരുന്നുവെന്നും അറസ്റ്റിലായവര്‍ സാക്ഷ്യപ്പെടുത്തുന്നു.