ദുബായ് ഡ്യൂട്ടി ഫ്രീ മില്ലേനിയം മില്ല്യണയര്‍ നറുക്കെടുപ്പ് : പുതിയ വിജയികളെ പ്രഖ്യാപിച്ചു

ദുബായ്•കാനഡയിലെ ക്യുബെക്കില്‍ നിന്നുള്ള ഭാഗ്യവാന്‍ ബായ് ഡ്യൂട്ടി ഫ്രീ മില്ലേനിയം മില്ല്യണയര്‍ നറുക്കെടുപ്പിലൂടെ കോടീശ്വരനായി. ചൊവ്വാഴ്ച നടന്ന നറുക്കെടുപ്പില്‍ കനേഡിയന്‍ പൗരന് പുറമേ രണ്ടു ഇന്ത്യക്കാര്‍ ആഡംബര വാഹനങ്ങളും വിജയിച്ചു. ദുബായ് അന്താരാഷ്ട്ര വിമാനത്താവളത്തിലെ കോണ്‍കോഴ്സ് ബി-യിലാണ് നറുക്കെടുപ്പ് നടന്നത്.

നിക്ക് പസിക്കോ എന്ന കനേഡിയന്‍ പൗരനെ 262 ാം സീരീസിലെ 4548 ാം നമ്പര്‍ ടിക്കറ്റാണ് 1 മില്യണ്‍ ഡോളറിനു (ഏകദേശം 6.38 കോടി ഇന്ത്യന്‍ രൂപ) അര്‍ഹനാക്കിയത്.

1999 ല്‍ മില്ലേനിയം മില്യണയര്‍ ആരംഭിച്ച ശേഷം വിജയിക്കുന്ന ഏഴാമത്തെ കനേഡിയന്‍ പൗരനാണ് നിക്ക്.

ഇന്ത്യയില്‍ നിന്നുള്ള മുന്‍ ദുബായ് ഡ്യൂട്ടി ഫ്രീ ജീവനക്കാരി, ലത ഭരദ്വാജ് ഒരു ബി.എം.ഡബ്ല്യൂ 750Li xDrive M Sport കാര്‍ വിജയിച്ചു. ഫിലിപ്പൈന്‍സില്‍ അവധിക്കാലം ആഘോഷിക്കാന്‍ പോകുമ്പോഴാണ് ലത ടിക്കറ്റ് വാങ്ങിയത്.

സൗദി അറേബ്യയില്‍ ജോലി ചെയ്യുനന്‍ ഇന്ത്യന്‍ പ്രവാസിയായ വിബിന്‍ പി.വി (27) ബി.എം.ഡബ്ല്യൂ എസ് 1000 RR മോട്ടോര്‍ ബൈക്കിന് ഉടമയായി. ഒരു വര്‍ഷമായി ഡ്യൂട്ടി ഫ്രീ നരുക്കെടുപ്പിലെ സ്ഥിരം പങ്കാളിയാണ് വിബിന്‍.