ഒടുവിൽ ആ സൂപ്പർതാരത്തെ ബ്ലാസ്റ്റേഴ്സിൽ നിന്ന് പുറത്താക്കുന്നു

മറ്റൊരു കടുത്ത തീരുമാനവുമായി ഐഎസ്എല്‍ നാലാം സീസണില്‍ കേരള ബ്ലാസ്റ്റേഴ്സ്. ടീമിൽ നിന്ന് ദിമിതാര്‍ ബെര്‍ബറ്റോവിനെ ഒഴിവാക്കാന്‍ ബ്ലാസ്റ്റേഴ്സ് മാനേജ്മന്റ് ഒരുങ്ങുന്നതായി സ്പോര്‍ട്സ് കീഡ റിപ്പോർട്ട് ചെയ്യുന്നു. മാഞ്ചസ്റ്റര്‍ യൂണൈറ്റഡ് മുന്‍ പരിശീലകന്‍ റെനെ മ്യുലെന്‍സ്റ്റീനെ പുറത്താക്കിയതിന് പിന്നാലെയാണ് മ്യുലന്‍സ്റ്റീന്‍ മുന്‍കൈ എടുത്ത് ടീമില്‍ എത്തിച്ച ദിമിതാറിനെയും പുറത്താക്കുന്നത്. ഈ ആഴ്ച ഒടുവില്‍ നടക്കുന്ന യോഗത്തില്‍ തീരുമാനമുണ്ടായേക്കുമെന്നാണ് സൂചന.

Read Also: തകർപ്പൻ പ്രകടനം കാഴ്ച വെച്ചിട്ടും പരാജയത്തിൽ മുങ്ങി ബ്ലാസ്റ്റേഴ്‌സ്

ഏറെ പ്രതീക്ഷയോടെ ടീമിലെത്തിച്ച ദിമിതാറിന് ലീഗില്‍ ബ്ലാസ്റ്റേഴ്സ് കളിച്ച 12 മത്സരങ്ങളില്‍ ആറെണ്ണത്തില്‍ മാത്രമാണ് മൈതാനത്ത് ഇറങ്ങാന്‍ കഴിഞ്ഞത്. ഇറങ്ങിയ കളികളിൽ ശ്രദ്ധേയമായ പ്രകടനം കാഴ്ചവെക്കാനും ദിമിതാറിന് കഴിഞ്ഞില്ല. ആറു മത്സരങ്ങളില്‍ നിന്ന് മൂന്ന് ഷോട്ടുകളും രണ്ട് ക്രോസുകളുമാണ് ബ്ലാസ്റ്റേഴ്സിന് വേണ്ടി ദിമിതാർ സംഭാവന ചെയ്‌തത്‌. ദിമിതാറിന് പകരം മറ്റൊരു വിദേശ താരത്തെ എത്തിച്ചേക്കുമെന്നും സൂചനയുണ്ട്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2