മുവാറ്റുപുഴ: വിദ്യാര്‍ത്ഥിനിയെ ഇടിച്ചിട്ട് ദേഹത്തൂടെ കയറി ഇറങ്ങിയ ബൈക്കുകാരൻ നിർത്താതെ പോയി. മുവാറ്റുപുഴയിലെ നിര്‍മ്മല കോളെജിന് സമീപം അവസാന വര്‍ഷ ഡിഗ്രി വിദ്യാര്‍ത്ഥിനിയും മാറാടി ചങ്ങംശേരിയില്‍ മുരളിയുടെ മകളുമായ ആര്യ(20) ആണ് അപകടത്തിൽപെട്ടത്.
കോളേജ് കഴിഞ്ഞു തിരികെ വീട്ടിൽ പോകാൻ ബസ് സ്റ്റോപ്പിലേക്ക് ക്രോസ് ചെയ്യുന്നതിനിടെ പാഞ്ഞെത്തിയ ബൈക്ക് ആര്യയെ ഇടിച്ച് തെറിപ്പിക്കുകയും ദേഹത്തൂടെ കയറി ഇറങ്ങുകയുമായിരുന്നു. ശേഷം ബൈക്കുകാരൻ നിർത്താതെ പോകുന്നതിന്റെയും ദൃശ്യങ്ങൾ സമീപത്തെ സിസിടിവി ക്യാമറയില്‍ പതിയുകയായിരുന്നു.
ഇപ്പോൾ ആര്യ രാജഗിരി ആശുപത്രിയില്‍ ചികിത്സയിലാണ്. ബൈക്കുകാരനെ ഇതു വരെ പിടികൂടാന്‍ സാധിച്ചിട്ടില്ല. ചുവന്ന നിറത്തിലുള്ള ബൈക്ക് ആണ് ഇടിച്ചതെന്ന് വ്യക്തം. സിസിടിവി ദൃശ്യങ്ങളുടെ അടിസ്ഥാനത്തില്‍ സമൂഹ മാധ്യമങ്ങളിലൂടെ ഇടിച്ച ബൈക്ക്കാരെ കണ്ടെത്താനുള്ള ശകത്മായ പരിശ്രമം ആണ് നടക്കുന്നത്.
Read also ;ഐസ് പാളികൾക്കടിയിലൂടെ നീന്തിയ ആള്‍ക്ക് സംഭവിച്ചത് ; വീഡിയോ കാണാം
Post Your Comments