ഹരിയാന: 15കാരിയെ ക്രൂരമായി ബല്ത്സംഗം ചെയ്ത് കൊലപ്പെടുത്തിയ കേസിലെ പ്രതിയെന്ന് സംശയിക്കുന്ന 12-ാം ക്ലാസ് വിദ്യാര്‍ത്ഥി മരിച്ച നിലയില്‍. ഹരിയാനയിലെ ജിന്ദിയിലാണ് സംഭവം. പ്രതിയെന്ന് സംശയിക്കുന്ന വിദ്യാര്‍ത്ഥിയുടെ മൃതദേഹം നഗ്നമായ നിലയില്‍ പ്രദേശത്തെ ഒരു കനാലില്‍ നിന്നാണ് കണ്ടെത്തിയത്. ശരീരത്തില്‍ ഉണ്ടായിരുന്ന ടാറ്റുവാണ് മൃതദേഹം തിരിച്ചറിയാന്‍ സഹായിച്ചത്.
കാണാതായി ദിവസങ്ങള്‍ക്കു ശേഷം ഇക്കഴിഞ്ഞ ശനിയാഴ്ചയായിരുന്നു പെണ്‍കുട്ടിയുടെ മൃതദേഹം കണ്ടെത്തിയത്. കുരുക്ഷേത്രയിലെ വീട്ടില്‍ നിന്ന് 100 കിലോമീറ്റര്‍ അകലെ കണ്ടെത്തിയ മൃതദേഹത്തില്‍ പീഡനമേറ്റതിന്റെ ലക്ഷണങ്ങളുമുണ്ടായിരുന്നു. സ്വകാര്യ ഭാഗത്ത് മൂര്‍ച്ചയുള്ള ആയുധം കുത്തിക്കയറ്റി ആഴത്തില്‍ മുറിവുണ്ടാക്കിയിരുന്നു. ശ്വാസകോശവും കരളും തകര്‍ന്ന നിലയിലായിരുന്നു. മാരകമായ പത്തൊന്‍പതോളം മുറിവുകളാണ് ശരീരത്തില്‍ കണ്ടെത്തിയത്.
കാണാതാവുന്നതിന് മുമ്പ് പന്ത്രണ്ടാം ക്‌ളാസുകാരനൊപ്പമാണ് പെണ്‍കുട്ടി ഉണ്ടായിരുന്നത്. പെണ്‍കുട്ടിയെ കാണാതായതോടെ ഇക്കാര്യം മാതാപിതാക്കള്‍ പൊലീസിനേയും അറിയിച്ചിരുന്നു. തുടര്‍ന്ന് വിദ്യാര്‍ത്ഥിയെ കാണാതാവുകയായിരുന്നു.
Post Your Comments