കൊച്ചി:കേരള ബ്ലോസ്റ്റേഴ്‌സ് നായകന്‍ സന്ദേഷ് ജിങ്കനെ സ്വന്തമാക്കാന്‍ ഇംഗ്ലീഷ് ക്ലബ്ബ് ശ്രമം നടത്തുന്നതായി വിവരം. ബ്ലാസ്റ്റേഴ്‌സിന്റെ പ്രതിരോധ നിരയിലെ വല്യേട്ടനായ ജിങ്കനെ ബ്ലാക്ക്‌ബേണ്‍ റോവേഴ്‌സ് ലക്ഷ്യമിട്ടിരിക്കുന്നതായി ഒരു ഫുട്‌ബോള്‍ ഏജന്റ് ട്വിറ്ററിലൂടെ വെളിപ്പെടുത്തിയിരിക്കുകയാണ്.
പ്രതിരോധത്തില്‍ ജിങ്കന്റെ മിന്നല്‍ പ്രകടനമാണ് താരത്തെ സ്വന്തമാക്കാന്‍ ഇംഗ്ലീഷ് ക്ലബ്ബിനെ പ്രേരിപ്പിക്കുന്നത്. രണ്ടര കോടി രൂപയാണ് ജിങ്കനായി ക്ലബ്ബ് മുടക്കാന്‍ ഒരുങ്ങുന്നത്. ഈ ആഴ്ച തന്നെ ജിങ്കനുമായി ക്ലബ്ബ് കരാര്‍ ഒപ്പിടുമെന്നും ഏജന്റ് ട്വിറ്ററില്‍ കുറിച്ചു.
നിലവില്‍ ഇംഗ്ലണ്ടിലെ മൂന്നാം ഡിവിഷന്‍ ലീഗായ ലീഗ് വണ്ണിലാണ് ബ്ലാക്ക്‌ബേണ്‍ റോവേഴ്‌സ് കളിക്കുന്നത്. കേരള ബ്ലാസ്റ്റേഴ്‌സിലെ മിന്നും പ്രകടനമാണ് ജിങ്കനെ ലോകമറിയുന്ന താരമാക്കി വളര്‍ത്തിയത്. ബ്ലാസ്റ്റേഴ്‌സിനായി ഇതിനോടകം 50 മത്സരങ്ങള്‍ താരം കളിച്ചിട്ടുണ്ട്. ഐഎസ്എല്ലില്‍ ഏറ്റവും അധികം ജേഴ്‌സി അണിഞ്ഞ ഇന്ത്യന്‍ താരം എന്ന നേട്ടവും ജിങ്കന്റെ പേരിനൊപ്പമാണ്.
Post Your Comments