മുരിങ്ങൂരില്‍ അപകടം ഒരു കുടുംബത്തിലെ മൂന്നുപേർ മരിച്ചു

തൃശൂര്‍: മുരിങ്ങൂര്‍ ദേശീയ പാതയിലുണ്ടായ അപകടത്തിൽ ഒരു കുടുംബത്തിലെ മൂന്നുപേർ മരിച്ചു.കരിയപ്പാറ പെരുമ്പടത്തി വീട്ടില്‍ ഉണ്ണികൃഷ്ണന്‍ (38), ഭാര്യ സുധ (26), മകന്‍ വാസുദേവ് (ആറ്) എന്നിവരാണ് മരിച്ചത്. ഉണ്ണികൃഷ്ണനും സുധയും സംഭവ സ്ഥലത്തും വാസുദേവ് ആശുപത്രിയിലെത്തിയ ശേഷവുമാണ് മരിച്ചത്.

രാത്രി 11 മണിയോടെയായിരുന്നു അപകടം.ഉല്‍സവം കഴിഞ്ഞ് മടങ്ങവെ ഉണ്ണിക്കൃഷ്ണനും കുടുംബവും സഞ്ചരിച്ച ബൈക്കില്‍ കാറിടിക്കുകയായിരുന്നു. ഇടിച്ച കാര്‍ കൊരട്ടി പൊലീസ് കസ്റ്റഡിയിലെടുത്തു. മൃതദേഹങ്ങള്‍ ചാലക്കുടി സെന്‍റ് ജെയിംസ് ആശുപത്രിയിൽ സൂക്ഷിച്ചിരിക്കുകയാണ്.