സ്വര്‍ണം കടത്താന്‍ ശ്രമിച്ച കാസര്‍കോട് സ്വദേശി അറസ്റ്റില്‍; സ്വര്‍ണം കടത്താന്‍ ഉപയോഗിച്ച വഴി കണ്ട് അമ്പരന്ന് ഉദ്യോഗസ്ഥര്‍

കാസര്‍ഗോഡ്: സ്വര്‍ണം കടത്താന്‍ ശ്രമിച്ച കാസര്‍കോട് സ്വദേശിയെ കൊച്ചിയില്‍ കസ്റ്റംസ് ഉദ്യോഗസ്ഥര്‍ അറസ്റ്റ് ചെയ്തു. കാസര്‍കോട് സ്വദേശിയായ സുബൈറിനെയാണ് 55 ഗ്രാം സ്വര്‍ണവുമായി നെടുമ്ബാശേരി വിമാനത്താവളത്തില്‍ കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടിയത്.

പാന്റ്‌സിന്റെ ബട്ടണ്‍സ് രൂപത്തിലാക്കി സ്വര്‍ണം കടത്താനാണ് സുബൈറ് ശ്രമിച്ചത്. മൊത്തം 12.46 ലക്ഷം രൂപയുടെ സ്വര്‍ണം കസ്റ്റംസ് ഉദ്യോഗസ്ഥര്‍ പിടികൂടി. ഈ മാസം ഇതുവരെ 1.22 കോടി രൂപയുടെ സ്വര്‍ണം പിടികൂടിയെന്ന് അധികൃതര്‍ പറഞ്ഞു. അതേസമയം 349.70 ഗ്രാം സ്വര്‍ണവുമായി കോഴിക്കോട് സ്വദേശി ഉബൈദിനെയും കസ്റ്റംസ് ഉദ്യോഗസ്ഥര്‍ പിടികൂടി. അടിവസ്ത്രത്തില്‍ ഒളിപ്പിച്ച് കടത്താന്‍ ശ്രമിച്ചതായിരുന്നു സ്വര്‍ണം.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2