കാര്‍ ‘പറന്നു’ കയറി രണ്ടാം നിലയിലെ ആശുപത്രി തകര്‍ത്തു

കാലിഫോര്‍ണിയ: കാര്‍ ‘പറന്നു’ കയറി രണ്ടാം നിലയിലെ ദന്താശുപത്രി തകര്‍ത്തു. കാലിഫോര്‍ണിയയിലാണ് സംഭവം നടന്നത്. കെട്ടിടത്തിന്റെ രണ്ടാം നിലയിലേക്ക് സാന്റാ അന്നയിലെ റോഡിലൂടെ ഓടിയ കാറാണ് ഇടിച്ചുകയറിയത്.

സംഭവം നടന്നത് ശനിയാഴ്ച പുലര്‍ച്ചെയാണ്. അമിതവേഗത്തില്‍ പൊക്കറ്റ് റോഡില്‍ നിന്നും വന്ന കാര്‍ കോണ്‍ഗ്രീറ്റ് മീഡിയനില്‍ തട്ടി പറന്ന് മുകളിലത്തെ നിലയില്‍ ഇടിച്ചുകയറുകയായിരുന്നു.

ചെറിയ തീ ഇടിച്ച് കയറിയ ഉടനെ കാറില്‍ നിന്നും ഉയര്‍ന്നതായും സാക്ഷികള്‍ പറഞ്ഞു. രണ്ടുപേരാണ് അപകടസമയത്ത് വാഹനത്തില്‍ ഉണ്ടായിരുന്നത്. ഒരാള്‍ക്ക് വാഹനത്തില്‍ നിന്നും ഇറങ്ങാന്‍ സാധിച്ചു. എന്നാല്‍, സഹയാത്രീകന്‍ കാറില്‍ കുടുങ്ങുകയായിരുന്നു. പിന്നീട് ഒരു മണിക്കൂറിന് ശേഷം അഗ്നിശമനസേന ഉദ്യോഗസ്ഥര്‍ എത്തിയാണ് ഇത് താഴെയിറക്കിയത്. ഇരുവര്‍ക്കും നിസ്സാരപരിക്കുകള്‍ മാത്രമാണുള്ളത്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2