ജ്യേഷ്ഠന്റെ ദുരൂഹ മരണത്തില്‍ ഇളയ സഹോദരന്‍ അറസ്റ്റില്‍

വെണ്‍മണി: ജ്യേഷ്ഠന്റെ ദുരൂഹ മരണത്തില്‍ ഇളയ സഹോദരന്‍ അറസ്റ്റില്‍. ആലാ കുതിരവട്ടം പടയനാട്ട് രാജന്‍(48) മരിച്ച സംഭവത്തിലാണ് ഇളയ സഹോദരന്‍ ശശി(44)യെ അറസ്റ്റു ചെയ്തത്. കഴിഞ്ഞ ദിവസം വീട്ടില്‍ ദുരൂഹ സാഹചര്യത്തിലാണ് രാജന്‍ മരിച്ചത്. ഞായറാഴ്ച വൈകിട്ട് മദ്യലഹരിയില്‍ ഇരുവരും വീട്ടില്‍ വച്ച്‌ വാക്കുതര്‍ക്കം ഉണ്ടാവുകയും അനുജന്‍ ജ്യേഷ്ഠനെ പിടിച്ചു തള്ളുകയുമായിരുന്നുവെന്നും വീഴ്ചയില്‍ മരണം സംഭവിച്ചെന്നാണ് കരുതുന്നതെന്നും പോലീസ് പറഞ്ഞു.

അമിത മദ്യപാനവും വീഴ്ചയുമാണ് മരണ കാരണമെന്നാണ് പോസ്റ്റുമോര്‍ട്ടം റിപ്പോര്‍ട്ട്. വിദേശത്ത് ജോലിയുണ്ടായിരുന്ന രാജന്‍ കുറച്ച്‌ നാളായി ചെങ്ങന്നൂരിലെ വ്യാപാര സ്ഥാപനങ്ങളില്‍ ജോലി ചെയ്തു വരികയായിരുന്നു വിവാഹബന്ധം വേര്‍പെടുത്തിയ ഇയാള്‍ സഹോദരന്‍ ശശിയ്ക്കൊപ്പമാണ് താമസിച്ചിരുന്നത്. ചെങ്ങന്നൂര്‍ സി.ഐ: ദിലീപ്ഖാന്‍, വെണ്‍മണി എസ്.ഐ: ബിഅനീഷ് എന്നിവരുടെ നേതൃത്വത്തിലാണ് ഇയാളെ അറസ്റ്റു ചെയ്തത്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2