കാസര്‍ഗോഡ്‌ : കാസര്‍കോട് സ്വദേശി നെടുമ്പാശേരി വിമാനത്താവളത്തില്‍ പിടിയിലായി.32 ലക്ഷത്തോളം വിലവരുന്ന സ്വര്‍ണ ബിസ്ക്കറ്റുകളുമായാണ് ഇദ്ദേഹം വിമാനത്താവളത്തിൽ എത്തിയത്. ഞായറാഴ്ച വൈകുന്നേരം ഇന്‍ഡിഗോ വിമാനത്തില്‍ ദുബൈയില്‍ നിന്നെത്തിയ കാസര്‍കോട് സ്വദേശിയായ ഹാരിസിനെയാണ് കസ്റ്റംസ് എയര്‍ ഇന്റലിജന്‍സ് യൂണിറ്റ് പിടികൂടിയത്
ഹാരിസ് സ്വര്‍ണ ബിസ്ക്കറ്റുകള്‍ വസ്ത്രത്തിനുള്ളില്‍ ഒളിപ്പിച്ചിരിക്കുകയായിരുന്നു. പരിശോധനയില്‍ 1049 ഗ്രാം തൂക്കം വരുന്ന സ്വര്‍ണ ബിസ്ക്കറ്റുകള്‍ കണ്ടെത്തുകയായിരുന്നു. ഗള്‍ഫില്‍ നിന്നും നാട്ടിലേക്ക് ഈ സ്വര്‍ണ ബിസ്ക്കറ്റുകള്‍ ഇയാൾ കടത്താന്‍ ശ്രമിക്കുകയായിരുന്നു. ഇയാളെ കസ്റ്റഡിയിലെടുത്തു ചോദ്യം ചെയ്യുന്നു.
Post Your Comments