ഉപഭോക്താക്കളെ ആകർഷിക്കാൻ മികച്ച ഓഫറുകളുമായി വീണ്ടും എയര്‍ടെല്‍ രംഗത്ത്

വിപണി കീഴടക്കുവാന്‍ മികച്ച ഓഫറുകളുമായി ടെലികോം കമ്പനികൾ മത്സരിക്കുകയാണ്. എയർടെല്ലും ഇത്തരത്തില്‍ ഓഫറുമായി രംഗത്തെത്തിയിരിക്കുകയാണ്. തങ്ങളുടെ 448, 509 പ്ലാനുകളുടെ കാലാവധി വര്‍ധിപ്പിക്കുകയാണ് കമ്പനി ചെയ്‌തിരിക്കുന്നത്‌. നിലവില്‍ എയര്‍ടെല്ലിന്റെ 448 രൂപയുടെ പ്ലാനില്‍ 70 ദിവസം വാലിഡിറ്റിയിൽ 70 ജിബി ഡാറ്റയാണ് നൽകി വന്നിരുന്നത്.

Read Also: ജിയോയ്ക്ക് പിന്നാലെ കിടിലൻ ഓഫറുകളുമായി ഐഡിയ

ഈ പ്ലാനിന്റെ കാലാവധി 82 ദിവസമാക്കിയാണ് ഉയർത്തിയിരിക്കുന്നത്. ഇതോടെ 82ജിബി ഡാറ്റ ഈ ഓഫറിൽ ലഭ്യമാകും. 509 രൂപയുടേതാണ് മറ്റൊരു പ്ലാന്‍. ഇതിന്റെ വാലിഡിറ്റി 84 ദിവസത്തില്‍ നിന്നും 91 ദിവസമായും ഉയര്‍ത്തിയിട്ടുണ്ട്. രണ്ട് ഓഫറുകളിലും അൺലിമിറ്റഡ് കോളുകളും ലഭ്യമാകും.