അരുൺ ജ​യ്റ്റ്ലി​യു​ടെ മൊ​ഴി​യു​ടെ ഹി​ന്ദി പ​രി​ഭാ​ഷ ആ​വ​ശ്യ​പ്പെ​ട്ട എ​എ​പി നേ​താ​വി​ന് പി​ഴ

ന്യൂ​ഡ​ൽ​ഹി: അരുൺ ജെയ്റ്റ്ലിയുടെ മൊ​ഴി ഹി​ന്ദി​യി​ലേ​ക്ക് പ​രി​ഭാ​ഷ​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പെ​ട്ട ആം ​ആ​ദ്മി പാ​ർ​ട്ടി നേ​താ​വ് അ​ശു​തോ​ഷി​ന് പി​ഴ. 10,000 രൂ​പ പി​ഴ വി​ധി​ച്ചിരിക്കുന്നത്. കേ​ന്ദ്ര​മ​ന്ത്രി അ​രു​ണ്‍ ജ​യ്റ്റ്ലി അ​ശു​തോ​ഷി​നെ​തി​രേ ഫ​യ​ൽ ചെ​യ്ത മാ​ന​ന​ഷ്ട​ക്കേ​സി​ൽ, കോ​ട​തി ന​ട​പ​ടി​ക​ൾ അ​ട്ടി​മ​റി​ക്കാ​ൻ ശ്ര​മി​ച്ചെ​ന്ന് ആരോപിച്ചാണ് പിഴ ചുമത്തിയത്. 2015ൽ ​ഡ​ൽ​ഹി ക്രി​ക്ക​റ്റ് അ​സോ​സി​യേ​ഷ​ൻ അ​ഴി​മ​തി​യു​മാ​യി ഉ​യ​ർ​ന്ന ആ​രോ​പ​ണ​ങ്ങ​ളു​ടെ പേ​രി​ലാ​ണ് ജ​യ്റ്റ്ലി അ​ശു​തോ​ഷി​നെ​തി​രേ മാ​ന​ന​ഷ്ട​ക്കേ​സ് ഫ​യ​ൽ ചെ​യ്ത​ത്.

Read Also: ഇന്ധനവില ജി.എസ്.ടിക്ക് കീഴില്‍ കൊണ്ടുവരുന്ന വിഷയത്തിൽ മനസു തുറന്ന് ജെയ്റ്റ്ലി

കേ​സി​ൽ അ​രു​ണ്‍ ജ​യ്റ്റ്ലി ത​നി​ക്കെ​തി​രേ ന​ൽ​കി​യ മൊ​ഴി ഹി​ന്ദി​യി​ലേ​ക്കു പ​രി​ഭാ​ഷ​പ്പെ​ടു​ത്തി വീ​ണ്ടും രേ​ഖ​പ്പെ​ടു​ത്ത​മെ​ന്ന് ആ​വ​ശ്യ​പ്പെ​ട്ടാണ് അ​ശു​തോ​ഷ് കോ​ട​തി​യി​ൽ ഹ​ർ​ജി ന​ൽ​കി​യത്. എന്നാൽ അ​ശു​തോ​ഷി​ന് ഇം​ഗ്ലീ​ഷ് ഭാ​ഷ​യി​ൽ അ​വ​ഗാ​ഹ​മു​ണ്ടെ​ന്നു ചൂ​ണ്ടി​ക്കാ​ട്ടി ചീ​ഫ് മെ​ട്രോ​പോ​ളി​റ്റ​ൻ മ​ജി​സ്ട്രേ​റ്റ് ന​ട​പ​ടി​യെ​ടു​ക്കു​ക​യാ​യി​രു​ന്നു. കോ​ട​തി ന​ട​പ​ടി​ക​ളെ താ​ളം​തെ​റ്റി​ക്കാ​ൻ അ​ശു​തോ​ഷ് ശ്ര​മ​ങ്ങ​ൾ ന​ട​ത്തു​ക​യാ​ണെ​ന്നു കോ​ട​തി വി​മ​ർ​ശി​ക്കുകയുണ്ടായി.