ഐപിഎല്ലിൽ കൊൽക്കത്ത ഗംഭീറിനെ ഉപേക്ഷിക്കാനുള്ള കാരണമിതാണ്

താരത്തിന്റെ പ്രായവും നിലനിര്‍ത്താനുള്ള പണ ചെലവുമാണ് കാരണമെന്നാണ് റിപ്പോര്‍ട്ട്. ഗംഭീറിന്റെ പ്രായം 36 കഴിഞ്ഞിരിക്കുകയാണ്. ഇനി പഴയ ഫോമില്‍ അദ്ദേഹത്തിന് അധികനാള്‍ തുടരാന്‍ സാധിക്കുമോ എന്ന ആശങ്കയാണ് തീരുമാനത്തിന് പിന്നില്‍. ഗംഭീറിനേയും റസലിനേയും നരേയ്‌നേയും നിലനിര്‍ത്തുകയാണെങ്കില്‍ മൂന്ന് പേര്‍ക്കുമായി ചിലവാവുക ഏതാണ്ട് 33 കോടിയായിരിക്കും. ആകെ ചിലവാക്കാവുന്ന 80 കോടിയില്‍ പിന്നെ ബാക്കിയുണ്ടാവുക 47 കോടിയായിരിക്കും. ഈ തുകയ്ക്ക് നല്ല താരങ്ങളെ കിട്ടുന്ന കാര്യം സംശയമാണ്. എന്നാല്‍ ഗംഭീറിനെ ഒഴിവാക്കി റസലിനേയും നരേയ്‌നേയും മാത്രം എടുത്തതോടെ ടീമിനായത് യഥാക്രമം 12.5 കോടിയും 8.5 കോടിയുമാണ്.