ദക്ഷിണാഫ്രിക്കയില്‍ പരമ്പര കളിക്കുന്ന ഇന്ത്യന്‍ ടീമിന് മുന്നറിയിപ്പുമായി ഇതിഹാസ താരം സച്ചിന്‍ ടെന്‍ഡുല്‍ക്കർ. ദക്ഷിണാഫ്രിക്കന്‍ താരങ്ങളായ എബി ഡിവില്ലേഴ്‌സിനേയും ഹാഷിം അംലയേയും സൂക്ഷിക്കണമെന്നാണ് സച്ചിന്‍ ഇന്ത്യൻ ടീമിന് മുന്നറിയിപ്പ് നൽകിയിരിക്കുന്നത്. കളി മാറ്റി മറിക്കാന്‍ കെല്‍പുളളവരാണ് അവരെന്നും ദക്ഷിണാഫ്രിക്കന്‍ പരമ്പര ഇന്ത്യയ്ക്ക് ശരിയ്ക്കും വെല്ലുവിളിയാകുമെന്നും സച്ചിന്‍ വ്യക്തമാക്കി.
വിരാട് കോഹ്ലി മികച്ച കളിക്കാരന്‍ തന്നെയാണ്. എന്നാല്‍ അദ്ദേഹത്തെ മാത്രം ആശ്രയിക്കുന്നത് അപകടമാണ്. മറ്റുള്ളവരും അവരവരുടെ റോള്‍ നിറവേറ്റണം. മികച്ച ടോട്ടല്‍ ഓരോ കളിക്കാരനും ലക്ഷ്യമിടണം. ടീം ഒറ്റക്കെട്ടായി പൊരുതിയാല്‍ മാത്രമേ ദക്ഷിണാഫ്രിക്കയെപ്പോലൊരു ടീമിനെ തോല്‍പ്പിക്കാനാകൂവെന്നും സച്ചിന്‍ അറിയിച്ചു.
Post Your Comments