മലപ്പുറം•കിഴിശ്ശേരി ചെറുപുഷ്പ്പം പബ്ലിക് സ്ക്കൂളിന്റെ ഇരുപത്തിയഞ്ചാം വാർഷിക ദിനാചരണത്തിന്റെ ഭാഗമായി ജനുവരി ആറിന് ശനിയാഴ്ച്ച കുട്ടികൾക്ക് വേണ്ടി കാർട്ടൂൺ ഫെസ്റ്റ് നടത്തുന്നു. കാർട്ടൂൺമാൻ ഇബ്രാഹിം ബാദുഷ (കേരള കാർട്ടൂൺ അക്കാദമി വൈസ് ചെയർമാൻ), ബഷീർ കിഴിശ്ശേരി (കേരള കാർട്ടൂൺ അക്കാദമി എക്സിക്യുട്ടീവ് മെമ്പർ), ഗിരീഷ് മൂഴിപ്പാടം, നൗഷാദ് വെള്ളിലശ്ശേരി തുടങ്ങിയ കാർട്ടൂണിസ്റ്റുകൾ ഡുഡിൽ ഷോ ,കാരിക്കേച്ചർ ഷോ, കിഡ്സ് ഇല്ലസ്ട്രേഷൻ, കോമിക് ഡ്രോയിംഗ് തുടങ്ങിയ സെഷനുകളിലായി കാർട്ടൂൺ ക്ലാസുകൾ നടത്തും.പ്രശസ്ത കാർട്ടൂണിസ്റ്റുകളുമായി കുട്ടികൾക്ക് സംവദിക്കാനും അവസരമുണ്ട്. പ്രമുഖ പത്രങ്ങളിലെ സ്റ്റാഫ് കാർട്ടൂണിസ്റ്റുകളും, ഫ്രീലാൻസ് കാർട്ടൂണിസ്റ്റുകളും കാർട്ടൂൺ ഫെസ്റ്റിൽ പങ്കെടുക്കും.
പുതുതായി കാർട്ടൂൺ വരക്കാൻ ആഗ്രഹിക്കുന്നവർക്കും, വര തുടരുന്നവർക്കും കാർട്ടൂൺ ഫെസ്റ്റ് ഏറെ ഉപകാരപ്രദമായിരിക്കുമെന്നും മലപ്പുറത്ത് കാർട്ടൂൺരംഗത്ത് ഇത്രയും വിപുലമായ രീതിയിൽ ഒരു പ്രോഗ്രാം ആദ്യമായാണെന്നും കാർട്ടൂൺ ഫെസ്റ്റ് ഡയറക്ടർ ബഷീർ കിഴിശ്ശേരി അറിയിച്ചു.
കൂടുതൽ വിവരങ്ങൾക്കും രജിസ്ട്രേഷനും ബന്ധപ്പെടുക :9895608649, 9567125783.
Post Your Comments