കോഴിക്കോട് ; കുട്ടികളുമായി വിനോദയാത്രക്ക് പോയ ബസ് വീട്ടിലേക്ക് ഇടിച്ച് കയറി നിരവധി പേർക്ക് പരിക്ക്. ഉച്ചയ്ക്ക് ശേഷം മൂന്നരയോടെയായിരുന്നു അപകടം. കണ്ണൂര്‍ പയ്യന്നൂരില്‍ ഷേണായിസ് സ്കൂളിലെ വിദ്യാര്‍ത്ഥികളുമായി എത്തിയ ടൂറിസ്റ്റ് ബസ്സ്‌ കോഴിക്കോട് പുതിയാപ്പയില്‍ നിയന്ത്രണം വിട്ട് സമീപത്തെ വീട്ടിലേക്ക് ഇടിച്ചു കയറുകയായിരുന്നു. 42 കുട്ടികളാണ് ബസ്സിലുണ്ടായിരുന്നത്. എട്ടു പേരുടെ നില ഗുരുതരമാണ്. പരിക്കേറ്റ കുട്ടികളെ ബീച്ച് ആശുപത്രിയിലും മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ബസ് ഇടിച്ചു കയറിയ വീട്ടിനുള്ളിലുണ്ടായിരുന്ന ഗര്‍ഭിണിക്ക് അടക്കം പരിക്കേറ്റു എന്നാണ് വിവരം. കോഴിക്കോട് ബീച്ച് കാണാനെത്തിയ അഞ്ചാം ക്ലാസിലേയും എട്ടാം ക്ലാസിലേയും കുട്ടികള്‍ സഞ്ചരിച്ചിരുന്ന ബസ്സാണ് അപകടത്തില്‍ പെട്ടത്.
Read more ; സ്കൂള്‍ ബസ് മറിഞ്ഞ് ; നിരവധി പേര്‍ക്ക് പരിക്ക്
Post Your Comments