കൊച്ചി: 1,500 രൂപയ്ക്ക് ബെംഗലൂരുവിലേക്ക് പറക്കാം. ആഭ്യന്തര വിനോദ സഞ്ചാര മേഖലയുടെ പ്രോത്സാഹനത്തിനായി എയര്‍ഏഷ്യ കൊച്ചിയില്‍ സംഘടിപ്പിച്ച മേളയിലാണ് ആകര്‍ഷക ഓഫര്‍. മലേഷ്യ, തായ്‌ലാന്‍ഡ് എന്നീ രാജ്യങ്ങളിലേക്കും കുറഞ്ഞ നിരക്കില്‍ പറക്കാം.
കൊച്ചിയില്‍ നിന്ന് വിമാനത്തില്‍ ബെംഗലൂരുവില്‍ പോയി തിരിച്ച് വരാന്‍ നല്‍കേണ്ടത് മൂവായിരം രൂപ മാത്രം. ഹൈദരാബാദിലേക്ക് 4,200 രൂപ. കൊച്ചി ലുലു മാളില്‍ വിമാനക്കമ്പനി എയര്‍ഏഷ്യ സംഘടിപ്പിച്ചിരിക്കുന്ന മേളയിലാണ് ആകര്‍ഷക ഓഫറുകള്‍. കുറഞ്ഞ നിരക്കില്‍ പറക്കണമെങ്കില്‍ രണ്ട് ദിവസത്തിനുള്ളില്‍ മേളയിലെത്തി ടിക്കറ്റ് ബുക്ക് ചെയ്യണം. പറക്കാന്‍ ജൂലൈ 31ന് മുമ്പുള്ള ഏത് ദിവസവും തെരഞ്ഞെടുക്കാം.
രാജ്യാന്തര റൂട്ടുകളിലും എയര്‍ഏഷ്യ 20 ശതമാനം വരെ ഇളവ് പ്രഖ്യാപിച്ചിട്ടുണ്ട്. കൊച്ചിയില്‍ നിന്ന് മലേഷ്യയുടെ തലസ്ഥാനമായ ക്വാലലംപൂരിലേക്ക് പോയിവരാന്‍ നല്‍കേണ്ടത് 7,700 രൂപ.ബാങ്കോക്കിലേക്ക് 8,800 രൂപ. കൊച്ചിയിലെ മേളയിലെത്തിയാല്‍ ടൂറിസം മലേഷ്യയുമായി ചേര്‍ന്നുള്ള പാക്കേജ് ടൂറുകളും സ്വന്തമാക്കാം. മലേഷ്യയിലെ പെനാഗിലേക്കും തിരിച്ചുമുള്ള യാത്രയും ഫോര്‍സ്റ്റാര്‍ ഹോട്ടലില്‍ രണ്ട് ദിവസം താമസവും ചേര്‍ന്നുള്ള പാക്കേജിന് നികുതി കിഴിച്ച് 7,500 രൂപ മാത്രമാണ് നിരക്ക്. ക്വാലംലംപൂര്‍, ബാങ്കോക്ക് എന്നിവിടങ്ങളിലേക്കും സമാന വിധത്തില്‍ ആകര്‍ഷക പാക്കേജുകളുണ്ട്.
Post Your Comments