കോട്ടയം: യുവാവിന്റെ ദൂരുഹ മരണത്തില്‍ നടന്‍ ബാബുരാജിനുള്ള പങ്ക് അന്വേഷിക്കണമെന്ന് ആവശ്യം. പുതുവത്സര ദിനത്തില്‍ ഇലവീഴാപൂഞ്ചിറയില്‍ വര്‍ക്ക്‌ഷോപ്പ് ജീവനക്കാരനായ യുവാവിനെ ജലാശയത്തില്‍ മരിച്ച നിലയില്‍ കാണപ്പെട്ട സംഭവത്തിലാണ് നടന്‍ ബാബുരാജിനുള്ള പങ്ക് അന്വേഷിക്കണമെന്ന് ആവശ്യം ഉയര്‍ന്നിരിക്കുന്നത്. ഇരുട്ടുകാനം കമ്പിലൈന്‍ തറമുട്ടത്തില്‍ സണ്ണിയുടെ മകന്‍ നിധിന്‍ മാത്യൂ (29) വിനെയാണ് മരിച്ച നിലയില്‍ കണ്ടെത്തിയത്. ഫയര്‍ഫോഴ്‌സ് സംഘം കണ്ടെടുത്ത മൃതദേഹം മൂക്കില്‍ നിന്നും രക്തം വാര്‍ന്ന നിലയായിരുന്നു. ഇതിനു പുറമെ മുഖത്ത് പോറലുകളും ഉണ്ടായിരുന്നു.
നിധിന്‍ മാത്യൂവിന്റെ പിതാവ് സണ്ണിയുമായി നടന്‍ ബാബുരാജുമായി വസ്തു തര്‍ക്കം ഉണ്ടായിരുന്നു. ഇതേ തുടര്‍ന്ന് സണ്ണി ബാബുരാജിനെ വെട്ടിപ്പരിക്കേല്‍പ്പിച്ചിരുന്നു. ഇതു കൊണ്ടാണ് മരണത്തില്‍ നിധിന്‍ മാത്യുവിന്റെ മരണത്തില്‍ നടന്‍ ബാബുരാജിനുള്ള പങ്ക് അന്വേഷിക്കണമെന്നു നിധിന്റെ ബന്ധുക്കള്‍ ആവശ്യപ്പെടുന്നത്. ഇതും വിശദമായി അന്വേഷിക്കുമെന്ന് പോലീസ് അറിയിച്ചു.
Post Your Comments