ന്യൂഡല്‍ഹി: നൈജീരിയന്‍ അധികൃതരുടെ കസ്റ്റഡിയിലായിരുന്ന നാല് ഇന്ത്യക്കാരെ മോചിപ്പിച്ചതായി വിദേശ കാര്യമന്ത്രി സുഷമ സ്വരാജ്. നാല് പേരില്‍ രണ്ടുപേര്‍ നല്‍കിയ അപേക്ഷയെ തുടര്‍ന്നാണ് നടപടി. നൈജീരിയന്‍ അധികൃതര്‍ തങ്ങളെ പിടികൂടി മൂന്നുമാസമായി കസ്റ്റഡിയില്‍ വച്ചിരിക്കുകയാണെന്ന് വ്യാസ് യാദവ് സുഷമ സ്വരാജിനെ അറിയിച്ചിരുന്നു.
തുടര്‍ന്നാണ് ഇവരുടെ മോചനത്തിന് വഴിവെച്ചത്. നാവിക കപ്പലില്‍ കുറ്റകൃത്യങ്ങള്‍ക്ക് ശ്രമിച്ചതിനെ തുടര്‍ന്നാണ് ഇവരെ അധികൃതര്‍ പിടികൂടിയത്. ഇതേതുടര്‍ന്ന് മൂന്ന് മാസമായി നൈജീരിയയിലെ പ്രധാന പട്ടണങ്ങളിലൊന്നായ ലാഗോസില്‍ കസ്ററഡിയിലായിരുന്നു ഇവര്‍. ‘ക്യാപ്റ്റന്‍ അതുല്‍ ശര്‍മ, സുധീര്‍ കുമാര്‍, ബല്‍വിന്ദര്‍ ശര്‍മ, വ്യാസ് യാദവ് എന്നിവ രെ സുരക്ഷിതമായി ഇന്ത്യയിലേക്ക് കൊണ്ടു വരാന്‍ സാധിച്ചതില്‍ സന്തോഷമുണ്ട്.’
ഇവരുടെ മോചനത്തിനായി ഇടപെടലുകള്‍ നടത്തിയ ഹൈ കമ്മീഷണര്‍ ബി.എന്‍ റെഡ്ഡിക്ക് നന്ദി പറഞ്ഞും നാല് പേരെ തിരിച്ചെത്തിക്കാന്‍ കഴിഞ്ഞതില്‍ സന്തോഷം പ്രകടിപ്പിച്ചുമാണ് സുഷമയുടെ ട്വീറ്റ്.
Post Your Comments