തമിഴ്‌നാട് ജെല്ലിക്കെട്ട് ആരവത്തിലേക്ക് ; ഇനിമുതല്‍ ജെല്ലിക്കെട്ടിനും ലീഗ്

ചെന്നൈ: തമിഴ് ജനതയെ ആവേശത്തിലാഴ്ത്താന്‍ പൊങ്കലിനോടനുബന്ധിച്ച് തമിഴ്‌നാട്ടില്‍ ജെല്ലിക്കെട്ട് ലീഗ് സംഘടിപ്പിക്കാനൊരുങ്ങുന്നു.

ജനുവരി ഏഴിന് ചെന്നൈയിലെ മദ്രാസ് ക്രോകോഡൈല്‍ ബാങ്കിന് സമീപമുള്ള സ്ഥലത്താണ് മത്സരം നടത്തുന്നത്. തമിഴ്‌നാട് ജെല്ലിക്കെട്ട് പെറവൈയും ചെന്നൈ ജെല്ലിക്കെട്ട് അമൈപ്പുമാണ് ലീഗിന്റെ സംഘാടകര്‍.

സംസ്ഥാനത്തെ 17 ജില്ലകളില്‍ നിന്ന് തിരഞ്ഞെടുക്കപ്പെട്ട 500 യുവാക്കളാണ് മത്സരത്തില്‍ പങ്കെടുക്കുന്നത്.

അഞ്ചു ടീമായി തിരിച്ചായിരിക്കും മത്സരം. മൂന്നു റൗണ്ടായിരിക്കും ജെല്ലിക്കട്ട് ലീഗില്‍ ഉണ്ടാകുക. ഒരോ റൗണ്ടിലും ഏകദേശം 20 കാളകളെ വീതം മൈതാനത്തേക്ക് തുറന്നുവിട്ടുമെന്നും സംഘാടകര്‍ അറിയിച്ചു.