കൊച്ചി ; വ്യാജ രേഖകൾ നൽകി ആഡംബര കാര്‍ പോണ്ടിച്ചേരിയില്‍ രജിസ്റ്റര്‍ ചെയ്ത് നികുതിയിനത്തില്‍ വന്‍ തുക വെട്ടിച്ചെന്ന കേസില്‍ സുരേഷ് ഗോപി എംപിക്ക് ആശ്വാസം. മുന്‍കൂര്‍ ജാമ്യാപേക്ഷ പരിഗണിച്ച് സുരേഷ് ഗോപി എം പിയെ അറസ്റ്റ് ചെയ്യരുതെന്ന് ഹൈക്കോടതി. മൂന്നാഴ്ചത്തേക്കാണ് അറസ്റ്റ് തടഞ്ഞത്. അന്വേഷണത്തോട് സഹകരിക്കാനും ഈ മാസം 21ന് അന്വേഷണ ഉദ്യോഗസ്ഥനു മുൻപാകെ ഹാജരാകാനും സുരേഷ് ഗോപിക്ക് കോടതി നിർദേശം നൽകി.
ആഡംബര കാര്‍ പോണ്ടിച്ചേരിയില്‍ രജിസ്റ്റര്‍ ചെയ്ത് നികുതിയിനത്തില്‍ വന്‍ തുക വെട്ടിച്ചെന്ന കേസില്‍, സുരേഷ് ഗോപിക്കെതിരെ ക്രൈംബ്രാഞ്ചാണ് ജാമ്യമില്ലാ വകുപ്പ് ചുമത്തി കേസെടുത്തത്. വിഷയത്തില്‍ കോടതി സര്‍ക്കാരിനോട് റിപ്പോര്‍ട്ട് ആവശ്യപ്പെട്ടിട്ടുണ്ട്.
പുതുച്ചേരിയില്‍ വ്യാജവിലാസത്തിലാണ് തന്റെ ഔഡികാര്‍ സുരേഷ് ഗോപി രജിസ്റ്റര്‍ ചെയ്തത്. ഇന്ന് നല്കിയ മുന്‍കൂര്‍ ജാമ്യാപേക്ഷയ്‌ക്കൊപ്പം ഒരു വാടകച്ചീട്ടും സുരേഷ് ഗോപി സമര്‍പ്പിച്ചിട്ടുണ്ട്. ആഡംബര കാറുകള്‍ രജിസ്റ്റര്‍ ചെയ്യുവാന്‍ കേരളത്തില്‍ പതിനാല് ലക്ഷം മുതല്‍ ഇരുപത് ലക്ഷം രൂപ നികുതി നല്‍കേണ്ടി വരും. എന്നാല്‍ പുതുച്ചേരിയില്‍ ഒന്നര ലക്ഷം രൂപ മാത്രം നല്‍കിയാല്‍ മതി.
Post Your Comments