അല്‍ ഐന്‍: അല്‍ ഐന്‍ മരുഭൂമിയില്‍ കുടുങ്ങിപ്പോയ 60 കാരനെ അബുദാബി പോലീസ് രക്ഷപ്പെടുത്തി. ടുണീഷ്യന്‍ സ്വദേശിയെയാണ് അല്‍ ഐനിലെ നഹാള്‍ പ്രദേശത്ത് നിന്നും ശനിയാഴ്ച രക്ഷപെടുത്തിയത്.
ഡെസേര്‍ട്ട് ഡ്രൈവിങ്ങിന് പോകുകയായിരുന്ന നഹാളിന് മരുഭൂമിയില്‍ വെച്ച് വഴിതെറ്റിപ്പോവുകയായിരുന്നു. എന്നാല്‍ അദ്ദേഹം തന്റെ കുടുംബത്തെ വിവരമറിയിച്ചിരുന്നെങ്കിലും അവര്‍ക്ക് റൂട്ട് പറഞ്ഞ് കൊടുക്കാന്‍ കഴിഞ്ഞില്ലെന്ന് പോലീസ് പറഞ്ഞു. നഹാളിന്റെ മൊബൈല്‍ ബാറ്ററികൂടി ഓഫായതോടെ കുടുംബവുമായി ബന്ധപ്പെടാനും കഴിഞ്ഞില്ല. ഇതോടെ ബന്ധുക്കള്‍ പോലീസിനെ വിവരമറിയിക്കുകയായിരുന്നു.
വിവരമറിഞ്ഞ പോലീസ് ഉടന്‍ തന്നെ മെഡിക്കല്‍ സന്നാഹങ്ങളുമായി ഹെലികോപ്റ്റര്‍ വഴി മരുഭൂമിയിലേക്ക് പോകുകയും നഹാളിന്റെ കാര്‍ ശ്രദ്ധയില്‍ പെടുകയായിരുന്നു. കാറിന്റെ സമീപത്ത് ആരോഗ്യവാനായിട്ടായിരുന്നു അദ്ദേഹത്തെ കണ്ടെത്തിയത്. അവിടെ നിന്നും രക്ഷപെടുത്തി ആശുപത്രിയില്‍ പ്രവേശിപ്പിച്ച നഹാളിന്റെ ആരോഗ്യ നിലയില്‍ പ്രശ്‌നങ്ങളൊന്നുമില്ലെന്ന് ഡോക്ടര്‍മാര്‍ പറഞ്ഞതായി പോലീസ് അറിയിച്ചു. അദ്ദേഹത്തെ ഉടന്‍ തന്നെ സ്വദേശത്തേക്ക് കൊണ്ട് പോകാനുള്ള സൗകര്യം ചെയ്യുമെന്നും പോലീസ് വ്യക്തമാക്കി.
Post Your Comments