അഹമ്മദാബാദ്: ഗുജറാത്ത് തിരഞ്ഞെടുപ്പില്‍ വോട്ടിംഗ് മെഷിനെതിരെ ഞെട്ടിക്കുന്ന ആരോപണവുമായി കോണ്‍ഗ്രസ്. വോട്ടിംഗ് മെഷിനും ബ്ലൂട്ടൂത്തുമായി ബന്ധിപ്പിച്ചിതായിട്ടാണ് കോണ്‍ഗ്രസ് ആരോപിക്കുന്നത്. ഇന്ന് ആദ്യഘട്ട തെരെഞ്ഞടുപ്പ് നടക്കുന്ന സ്ഥലങ്ങളിലെ ചില മണ്ഡലങ്ങളിലാണ് കോണ്‍ഗ്രസ് ഇതു സംബന്ധിച്ച ആരോപണം ഉന്നയിച്ചിരിക്കുന്നത്. പാര്‍ബന്ദര്‍, സൂറത്ത്, ജെത്പൂര്‍, നവരാസി എന്നിവയാണ് ഈ മണ്ഡലങ്ങള്‍. വിവിധ വോട്ടിംഗ് മെഷീനുകളില്‍ നേരെത്ത തകരാര്‍ കണ്ടെത്തിയിരുന്നു.
നിലവില്‍ സൗരാഷ്ട്ര, കച്ച്, ദക്ഷിണ ഗുജറാത്ത് എന്നീ മേഖലകളിലെ 89 മണ്ഡലങ്ങളിലേക്കുള്ള തെരെഞ്ഞടുപ്പ് നടന്നു കൊണ്ടിരിക്കുകയാണ്. ആകെ 977 സ്ഥാനാര്‍ത്ഥികളാണ് ഇന്ന് ഗുജറാത്തില്‍ ജനവിധി തേടുന്നത്.
Post Your Comments