കൊച്ചി: ക്രിയാത്മക വിമര്‍ശനങ്ങള്‍ ഉള്‍ക്കൊള്ളുമെന്ന് മലയാളി താരം സി.കെ വിനീത്. മുംബൈക്കെതിരെ ബ്ലാസ്റ്റേഴ്സ് ഗോള്‍ അടിക്കുന്നത് കാണാമെന്ന് സി.കെ വിനീത് പറഞ്ഞു. ബ്ലാസ്റ്റേഴ്‌സിനായി ആദ്യ രണ്ടു മത്സരങ്ങളില്‍ ഗോള്‍ നേടാനിയില്ല. പക്ഷേ സോഷ്യല്‍മീഡയയിലൂടെ അതിന്റെ പേരില്‍ ടീമിനെയും തന്നെയും അധിക്ഷേപിക്കുന്നതില്‍ വിഷമമുണ്ടെന്നും വിനീത് കൊച്ചിയില്‍ പറഞ്ഞു.
താൻ ആരാധകരുടെ ക്രിയാത്മകമായ വിമര്‍ശനങ്ങള്‍ പരിഗണിക്കുകയും അതിനനുസരിച്ച് മെച്ചപ്പെടാന്‍ ശ്രമിക്കുകയും ചെയ്യാറുണ്ട്. എന്നാല്‍ ആരാധകരുടെ അധിക്ഷേപിക്കുന്ന തരത്തിലുള്ള സമീപനം ഉള്‍ക്കൊള്ളാനാകില്ല. ആരാധകരായി അവരെ കാണാനുമാകില്ലെന്നും വിനീത് വ്യക്തമാക്കി.
‘ ബ്ലാസ്റ്റേഴ്‌സിന്റെ പ്രകടനം ആദ്യ രണ്ടു മത്സരങ്ങളില്‍ മോശമായിരുന്നു. ബ്ലാസ്റ്റേഴ്സ് എതിര്‍ പെനാല്‍റ്റി ഏരിയയിലേക്ക് പന്തുമായി കടക്കുന്നതില്‍ പരാജയപ്പെട്ടു. എനിക്ക് തന്നെ എന്റെ കളി ഇഷ്ടമായില്ല. അടുത്ത മത്സരത്തോടെ കൂടുതല്‍ ഗോളുകള്‍ കണ്ടെത്താനാണ് ബ്ലാസ്റ്റേഴ്സ് ശ്രമിക്കുക.’ വിനീത് വ്യക്തമാക്കി.
Post Your Comments