കോട്ടയം•കേരളത്തില്‍ കഞ്ചാവ് പിടിക്കാത്ത ദിവസമില്ല എന്ന് തന്നെ പറയാം. കഞ്ചാവ് കടത്തുന്നത് പ്രധാനമായും സ്കൂള്‍-കോളേജ് വിദ്യാര്‍ത്ഥികളെ ലക്ഷ്യമിട്ട് ആണെന്നെന്നതാണ് ഇതിന്റെ ഗൌരവം വര്‍ധിപ്പിക്കുന്നത്. ഈ സാഹചര്യത്തിലാണ് മുന്നറിയിപ്പുമായി കോട്ടയം പോലീസ് രംഗത്തെത്തിയിരിക്കുന്നത്.
കുട്ടികള്‍ കഞ്ചാവ് ഉപയോഗിക്കുന്ന ഉപകരണങ്ങള്‍ പരിചയപ്പെടുത്തുകയാണ് ഇവിടെ പോലീസുകാര്‍. ഈ ഉപകരണങ്ങള്‍ കണ്ടാല്‍ സാധാരണക്കാര്‍ക്ക് എളുപ്പം മനസിലാകില്ല. കുഞ്ഞുപാത്രം പോലെ തോന്നിക്കുന്ന ഒരുപകരണം. ക്രഷര്‍ എന്നാണ് ഇതിന്റെ പേര്. മൂന്ന് ഭാഗങ്ങളായി ഇത് തുറക്കാം. ഒരു ഭാഗത്ത് കഞ്ചാവും സിഗരറ്റ് ചുക്കയും നിറച്ച ശേഷം അടപ്പ് ഒന്ന് തിരിച്ചാല്‍ അത് പൊടിയായി മാറും. അത് ചുക്കയായി സിഗരറ്റിനുള്ളില്‍ ഉപയോഗിക്കാം. കഴിഞ്ഞദിവസം കഞ്ചാവ് ഉപയോഗത്തിന് പിടിച്ച വിദ്യാര്‍ത്ഥികളില്‍ നിന്ന് കണ്ടെത്തിയ ഉപകരണങ്ങളാണിത്‌. ഇവ ഓണ്‍ലൈനില്‍ സുലഭമായി വാങ്ങാന്‍ കഴിയുമെന്നും പറയുന്നു.
Post Your Comments