അധികാരമുറപ്പിക്കാൻ പതിനെട്ട് അടവും പയറ്റി രാഹുൽ ഗാന്ധി

ഗുജറാത്ത് : ഗുജറാത്തിലെ വിജയം മുമ്പിൽ കണ്ടുകൊണ്ട് രാഹുല്‍ ഗാന്ധിയും കോണ്‍ഗ്രസും നിരന്തരം പരീക്ഷണങ്ങള്‍ക്ക് വിധേയരാവുകയാണ്. കഴിഞ്ഞ ദിവസം രാഹുല്‍ പോര്‍ബന്ധര്‍ സന്ദര്‍ശിച്ചപ്പോള്‍, പാര്‍ട്ടി ഉറപ്പാക്കിയ മുഖ്യകാര്യം മത്സ്യത്തൊഴിലാളി സമൂഹവുമായുള്ള കൂടിക്കാഴ്ചയാണ്.പഴയ മത്സ്യബന്ധന തുറമുഖമായ ജുനബന്ധറിലായിരുന്നു ചെറിയൊരു കൂട്ടായ്മ.സംഗതി ചെറുതെങ്കിലും തന്ത്രപ്രധാനമെന്നാണ് പാര്‍ട്ടിക്കാര്‍ വിശേഷിപ്പിക്കുന്നത്

പോര്‍ബന്ധറിലെ 75000 ത്തോളം  വരുന്ന മല്‍സ്യത്തൊഴിലാളി സമൂഹത്തില്‍ 30000 ത്തോളം പേര്‍ക്കാണ് വോട്ടവകാശമുള്ളത്. 2.28 ലക്ഷം വോട്ടുള്ള മണ്ഡലത്തില്‍, മൂന്നാമത്തെ വലിയ വോട്ടുബാങ്കാണ് മല്‍സ്യത്തൊഴിലാളികള്‍. മണ്ഡലത്തില്‍ ഭൂരിപക്ഷം വരുന്ന മെര്‍ സമുദായത്തിന് 65,000 വോട്ടും, ബ്രാഹ്മണവിഭാഗത്തിന് 50,000 ത്തിലേറെ വോട്ടുമുണ്ട്. ബിജെപി മന്ത്രിയായ ബാബു ബോക്റിയയും, ഗുജറാത്ത് കോണ്‍ഗ്രസ് അദ്ധ്യക്ഷനായ അര്‍ജുന്‍ മോദ് വാദിയയുമാണ് മണ്ഡലത്തിലെ മുഖ്യ എതിരാളികള്‍.ഇരുവരും മെര്‍ സമുദായത്തില്‍ പെട്ടവരായതുകൊണ്ട് വോട്ടുകള്‍ ഭിന്നിക്കുക പതിവാണ്.