വാഹനങ്ങളില്‍ ജിപിഎസ് നിര്‍ബന്ധമാക്കാന്‍ ഉത്തരവിറങ്ങി. സംസ്ഥാന സര്‍ക്കാറിന്റെ പുതിയ നടപടി സ്വകാര്യ ബസുകള്‍ ഉള്‍പ്പെടെയുള്ളവയുടെ അമിതവേഗവും വഴിമാറിയുള്ള സഞ്ചാരവും നിയന്ത്രിക്കാനാണ്.
വാഹനത്തിന്റ ഉള്ളില്‍ ഡ്രൈവറുടെ അഡ്രസ്, ഫോണ്‍ നമ്പര്‍, ഫോട്ടോ എന്നിവ പ്രദര്‍ശിപ്പിക്കണമെന്നു ഉത്തരവില്‍ പറയുന്നു.
കേന്ദ്ര മോേട്ടാര്‍ വാഹന നിയമത്തിലെ അധികാരം ഉപയോഗപ്പെടുത്തി സര്‍ക്കാര്‍ ഭേദഗതി കൊണ്ടുവന്നത് ജി.പി.എസ് ചരക്കുവാഹനങ്ങളിലും ഘടിപ്പിക്കുന്നതോടെ അപകടം കുറക്കാനാകുമെന്നതിന്റെ അടിസ്ഥാനത്തിലാണ്.
‘ കേന്ദ്ര സര്‍ക്കാര്‍ എല്ലാ സംസ്ഥാനങ്ങള്‍ക്കും 2018 ഏപ്രില്‍ ഒന്നിന്’ മുമ്പു പൊതുഗതാഗതം ജി.പി.എസ് സംവിധാനത്തിലാക്കണമെന്നു നിര്‍ദേശം നല്‍കിയിട്ടുണ്ട്. ദിശയും വേഗതയും വാഹനങ്ങളില്‍ ലൊക്കേഷന്‍ ട്രാക്കിങ് ഡിവൈസ് ഘടിപ്പിക്കുന്നതോടെ കണ്‍ട്രോള്‍ റൂമുകളിലെ വിഡിയോ സ്ക്രീനുകളില്‍ തെളിയും. വാഹനങ്ങളില്‍ എമര്‍ജന്‍സി ബട്ടണും സ്ഥാപിക്കണമെന്നാണു സര്‍ക്കാര്‍ നിര്‍ദേശം.
സര്‍ക്കാര്‍ ആഗസ്റ്റില്‍ നടപടിയുടെ കരടു വിജ്ഞാപനം പുറപ്പെടുവിച്ചിരുന്നു. എന്നാല്‍ അയ്യായിരം രൂപ മുതല്‍ പതിനായിരം രൂപവരെയുള്ള ജി.പി.എസ് യൂണിറ്റുകള്‍ ഘടിപ്പിക്കുന്നതിനെതിരെ ബസ് ഉടമകള്‍ അതൃപ്തി പ്രകടിപ്പിച്ചതാണു ഉത്തരവില്‍ കാലതാമസം ഉണ്ടാകാന്‍ കാരണം.
Post Your Comments