തിരുവനന്തപുരം: സംസ്ഥാനത്ത് സിപിഎം പ്രവര്‍ത്തകനെ കൊലപ്പെടുത്താന്‍ ശ്രമിച്ച സംഭവത്തിന്റെ ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിക്കുന്നു. തിരുവനന്തപുരം ജില്ലയിലെ കാട്ടാക്കടയിലാണ് സംഭവം നടന്നത്. സിപിഎം ബ്രാഞ്ച് കമ്മിറ്റി അംഗവും ദേശാഭിമാനി ഏജന്റുമായ ശശികുമാറിനെയാണ് ആക്രമികള്‍ വെ്ട്ടിയത്. രാവിലെ ആറരയോടെ ബൈക്കിലെത്തിയ രണ്ടു പേര്‍ ചേര്‍ന്ന് ശശികുമാറിനെ ഓടിച്ചിട്ട് ആക്രമിക്കുകയായിരുന്നു. ഇയാളെ പിന്നീട് നെയ്യാറ്റിന്‍കര താലൂക്ക് ആശുപത്രിയില്‍ പ്രവേശിപ്പിച്ചു.
ശശി കുമാര്‍ രാവിലെ പത്ര വിതരണത്തിനു പോകുന്ന വേളയിലാണ് രണ്ടംഗസംഘം ആക്രമിച്ചത്. ആദ്യം ശശികുമാറിനെ ഇവര്‍ ചവിട്ടി വീഴ്ത്തി. പിന്നീട് വടിവാളുമായി അക്രമിസംഘം ശശികുമാറിനെ വെട്ടാന്‍ ശ്രമിച്ചു. ജനക്കൂട്ടം എത്തിയതിനെ തുടര്‍ന്നാണ് ആക്രമികള്‍ രക്ഷപ്പെട്ടത്.
Post Your Comments