ന്യൂഡല്‍ഹി•വിവാദ ബി.ജെ.പി നേതാവ് സാക്ഷി മഹാരാജിന്റെ കാര്‍ അപകടത്തില്‍പ്പെട്ടു. ചൊവ്വാഴ്ച ഡല്‍ഹിയില്‍ നിന്നും ഇറ്റയിലേക്ക് പോകുമ്പോഴായിരുന്നു അപകടം. ഉത്തര്‍പ്രദേശിലെ ഇറ്റ ജില്ലയുലെ ഷികോഹബാദ് റോഡില്‍ വച്ചായിരുന്നു അപകടം. ഉന്നോയിലെ എം.പി കൂടിയായ സാക്ഷി മഹാരാജ് തന്റെ ആശ്രമത്തിലേക്ക് പോകവേയാണ് അപകടമുണ്ടായത്.
അമിത വേഗത്തില്‍ എതിരെ വന്ന ഒരു ടാങ്കര്‍ മുന്നില്‍ പോയ കാറില്‍ ഇടിച്ചശേഷം സാക്ഷി മഹാരാജിന്റെ കാറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാറിന്റെ മുന്‍വശം പൂര്‍ണമായും തകര്‍ന്. അപകടത്തില്‍ മഹാരാജിന്റെ ഡ്രൈവര്‍ക്ക് നിസാരമായ പരിക്കേറ്റു. എം.പിയുടെ കാറില്‍ ഇടിക്കുന്നതിന് മുന്‍പ് ടാങ്കര്‍ രണ്ട് ബൈക്ക് യാത്രികരെയും ഇടിച്ചുതെറുപ്പിച്ചിരുന്നു. ഗുരുതരമായി പരിക്കേറ്റ ഇവര്‍ ചികിത്സയിലാണ്.
Post Your Comments