KeralaLatest NewsNews

സ്വകാര്യ ബസ് ഡ്രൈവര്‍ കുളത്തിൽ മരിച്ച നിലയിൽ

കോഴിക്കോട്: സ്വകാര്യ ബസ് ഡ്രൈവര്‍ കുറ്റ്യാടി പാറക്കടവിലെ കേളോത്ത് അജ്മലിനെ (22) കുളത്തിൽ മരിച്ച നിലയിൽ കണ്ടെത്തി. കഴിഞ്ഞ ശനിയാഴ്ച രാത്രി ജോലി കഴിഞ്ഞ് വീട്ടിലെത്താത്തതിനെ തുടര്‍ന്ന് അദ്ദേഹത്തിനായി അന്വേഷണം ആരംഭിച്ചിരുന്നു. കാടും പുല്ലും നിറഞ്ഞ പേരാമ്പ്രയിലെ റോഡ് വക്കിലെ കുളത്തില്‍ ആണ് അജ്മലിനെ മരിച്ച നിലയിൽ കണ്ടെത്തിയത്.

അബദ്ധത്തില്‍ വീണതാണെന്നാണ് പ്രാഥമിക നിഗമനം. കുളത്തിനു സമീപം ചെരുപ്പ് കണ്ടെത്തിയതിനെ തുടര്‍ന്ന് ഇന്ന് രാവിലെ നടത്തിയ തെരച്ചിലിലാണ് മൃതദേഹം കിട്ടിയത്. കുറ്റ്യാടിയില്‍ ആംബുലന്‍സ് ഡ്രൈവറായിരുന്ന അജ്മല്‍ അടുത്തിടെയാണ് ബസില്‍ ജോലിക്കു കയറിയത്. പിതാവ് അഹമ്മദ് മാതാവ് റംല. പോലീസ്  കേസെടുത്ത് അന്വേഷണം ആരംഭിച്ചു.

shortlink

Related Articles

Post Your Comments

Related Articles


Back to top button