പാരീസ് ; എടിപി റാങ്കിംഗിൽ കനത്ത തിരിച്ചടി ഏറ്റുവാങ്ങി ആൻഡിമുറേയും ജോക്കോവിച്ചും. എടിപി റാങ്കിംഗിലെ ആദ്യ പത്തില്‍ നിന്നുമാണ് മുന്‍ ലോക ഒന്നാം നമ്പര്‍ ടെന്നീസ് താരങ്ങളായ സെര്‍ബിയയുടെ നൊവാക് ജോക്കോവിച്ചും ബ്രിട്ടന്‍റെ ആൻഡി മുറേയും പുറത്തായത്. പരിക്ക് മൂലം കഴിഞ്ഞ ജൂലൈ മുതല്‍ കളിക്കാതിരുന്ന മുറേ മൂന്നാം റാങ്കില്‍ നിന്നു 16 ലേക്കും , ജോക്കോവിച്ച് അഞ്ച് സ്ഥാനങ്ങള്‍ നഷ്ടപ്പെട്ട് 12 റാങ്കിലേക്കുമാണ് വീണത്. അതേസമയം സ്പെയിനിന്‍റെ റാഫേൽ നദാൽ പട്ടികയിൽ ഒന്നാം സ്ഥാനവും സ്വിസ് താരം റോജർ ഫെഡറർ രണ്ടാം സ്ഥാനവും ജര്‍മനിയുടെ അലക്‌സാണ്ടര്‍ സ്വെരേവ് മൂന്നാം സ്ഥാനവും കരസ്ഥമാക്കി.
Post Your Comments