ന്യൂഡല്‍ഹി•കരോട്ടെയില്‍ താന്‍ ബ്ലാക്ക് ബെല്‍റ്റ്‌ നേടിയിട്ടുണ്ടെന്ന വാര്‍ത്ത കഴിഞ്ഞയാഴ്ച ചര്‍ച്ചയായിരുന്നു. കഴിഞ്ഞയാഴ്ച ഒരു പൊതുപരിപാടിക്കിടെയാണ് കായികതാരം വിജേന്ദര്‍ സിങിന്റെ ചോദ്യത്തിന് മറുപടിയായാണ് താന്‍ ബ്ലാക്ക് ബെല്‍റ്റ്‌ കാരനാണെന്ന വെളിപ്പെടുത്തല്‍ നടത്തിയത്. ഇക്കാര്യം ജനങ്ങള്‍ക്ക് അറിയില്ലെന്നും താന്‍ ഇതുവരെ ആരോടും പറഞ്ഞു നടക്കാറില്ലെന്നും രാഹുല്‍ പറഞ്ഞിരുന്നു.
രാഹുല്‍ഗന്ധിയുടെ ഈ പ്രസ്താനവനയെ ട്രോളിയും വിമര്‍ശിച്ചും നിരവധി പേര്‍ രംഗത്ത് വന്നിരുന്നു. ഇതിനിടെ ഇപ്പോള്‍ രാഹുല്‍ കരോട്ടെ പരിശീലിക്കുന്ന ചിത്രങ്ങള്‍ പുറത്തുവന്നിരിക്കുകയാണ്. കോണ്‍ഗ്രസ് നേതാവും അഭിനേത്രിയുമായ ദിവ്യ സ്പന്ദനയാണ് രാഹുലിന്റെ വിവിധ കരാട്ടെ പരിശീലന ദൃശ്യങ്ങള്‍ റീ ട്വിറ്റ് ചെയ്തിരിക്കുന്നത്. കറുപ്പും വെളുപ്പും നിറത്തിലുള്ള വസ്ത്രം ധരിച്ച് പരീശിലകനോടൊപ്പം കരാട്ടെ അഭ്യസിക്കുന്ന ചിത്രങ്ങള്‍ ഇതിനോടകം വൈറലായി കഴിഞ്ഞിട്ടുണ്ട്.
Post Your Comments