ട്വിറ്റര്‍ അക്കൗണ്ട് ഉപയോഗിക്കുന്നതാരെന്ന്‍ വെളിപ്പെടുത്തി രാഹുല്‍ ഗാന്ധി

ന്യൂഡല്‍ഹി : തന്റെ ട്വിറ്റര്‍ അക്കൗണ്ട് ഉപയോഗിക്കുന്നതാരെന്ന്‍ വെളിപ്പെടുത്തി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി.ആരാണ് തന്റെ ട്വിറ്റര്‍ അക്കൗണ്ട് ഉപയോഗിക്കുന്നതെന്ന് ‘വെളിപ്പെടുത്തിയിരിക്കുകയാണ്’ പുതിയ ട്വീറ്റിലൂടെ രാഹുല്‍.

പിഡി എന്നുപേരുള്ള നായ്ക്കുട്ടിയുടെ വീഡിയോദൃശ്യങ്ങളോടെയാണ് പുതിയ ട്വീറ്റ്. ചോദ്യത്തിന് പിഡി മറുപടി പറയുന്നതായാണിത്. ട്വീറ്റ് ഇങ്ങനെ- ‘ആളുകള്‍ ചോദിക്കാറുണ്ട് ആരാണ് ഇയാള്‍ക്കുവേണ്ടി ട്വീറ്റ് ചെയ്യുന്നതെന്ന്.

അത് ഞാനാണ്, പിഡി. നോക്ക്, ഒരു ട്വീറ്റ് കൊണ്ട് എനിക്കെന്തുചെയ്യാന്‍ കഴിയുമെന്ന്’. മൂന്നുമണിക്കൂറിനുള്ളില്‍ 12,000 ലൈക്കുകളും 5,100 റീട്വീറ്റുകളുമാണ് ഇതിനെത്തിയത്. തുടര്‍ന്ന് ‘പിഡി ഗാന്ധി’ എന്നും ‘പിഡി’ എന്നുമുള്ള ഹാഷ്ടാഗുകള്‍ സാമൂഹികമാധ്യമങ്ങളില്‍ നിറഞ്ഞു.