തലശേരി: മലയാളി നടി അറസ്റ്റില്‍. സീരിയല്‍ നടിയാണ് മോഷണക്കേസുമായി ബന്ധപ്പെട്ട് പിടിയിലായത്. സ്വര്‍ണാഭരണങ്ങൾ മോഷ്ടിച്ച നടി കോഴിക്കോട് സ്വദേശിനി തനൂജ(24)യാണ് പോലീസ് പിടിയിലായത്. ബംഗളൂരുവിലെ വീട്ടില്‍നിന്നുമാണ് നടി 35 പവന്‍ സ്വര്‍ണാഭരണങ്ങള്‍ മോഷ്ടിച്ചത്. ഇതിനു ശേഷം നടി ബംഗളൂരുവിൽ നിന്നും മുങ്ങിയിരുന്നു. പ്രതിയെ പോലീസ് തലശേരിയില്‍നിന്നാണ് അറസ്റ്റ് ചെയ്തത്.
തനൂജ മോഷ്ടിച്ച സ്വര്‍ണാഭരണങ്ങൾ പോലീസ് തലശേരി പിലാക്കൂലിലെ സഹകരണ ബാങ്കിന്‍റെ ശാഖ, കൂത്തുപറമ്പിലെ സ്വകാര്യ ധനകാര്യ സ്ഥാപനം എന്നിവടങ്ങളിലും നിന്നുമാണ് കണ്ടെത്തിയത്. പയ്യന്നൂര്‍ സ്വദേശിനിയുടെ ആഭരണങ്ങളാണ് നടി മോഷ്ടിച്ചത്. ബംഗളൂരുവിലെ കനകമ്പുര രഘുവന ഹള്ളിയിലായിരുന്നു മോഷണം. ഇവിടെ താമസിച്ചിരുന്ന മലയാളി സ്ത്രീയുടെ വീട്ടിൽ നടി ജോലിക്കു എത്തി. കേരളത്തിലെ ചില സീരിയലുകളില്‍ അഭിനയിച്ച തനൂജ കഴിഞ്ഞ മാസം 28 നു ഇവിടെ നിന്നും മോഷണ ശേഷം മുങ്ങുകയായിരുന്നു.
Post Your Comments