ഡമാസ്കസ് : ഇസ്ലാമിക് സ്റ്റേറ്റിന്റെ അവസാന കേന്ദ്രവും പിടിച്ചടക്കി. ഇസ്ലാമിക് സ്റ്റേറ്റിന്റെ അവസാന കേന്ദ്രം അറബ്-കുർദിഷ് സംയുക്ത സേനയാണ് പിടിച്ചടക്കിയത്. കമാൻഡർ റോജ ഫ്ളീറ്റ് റഖ നാഷണൽ ഹോസ്പിറ്റൽ കോമ്പ്ളക്സിൽ സിറിയൻ ജനാധിപത്യ സേന പതാക ഉയർത്തിയതായി പ്രസ്താവിച്ചു.
സൈന്യം ഭീകരർ ഒളിച്ചിരിക്കാൻ സാധ്യതയുള്ള ഇടങ്ങളുടെ അവസാന പരിശോധനയിലാണെന്നും അദ്ദേഹം പറഞ്ഞു . ഇസ്ലാമിക് സ്റ്റേറ്റിനെ നഗരത്തിൽ നിന്ന് പൂർണമായും തുടച്ച് നീക്കപ്പെട്ടതായി സിറിയൻ ഒബ്സർവേറ്ററി ഫോർ ഹ്യൂമൻ റൈറ്റ്സും വ്യക്തമാക്കി. കഴിഞ്ഞ ഡിസംബർ മുതൽ അമേരിക്കൻ പിന്തുണയുള്ള സിറിയൻ ജനാധിപത്യ സേന റഖയിലെ ഇസ്ലാമിക് സ്റ്റേറ്റ് ഭീകരർക്കെതിരെ യുദ്ധം ചെയ്യുകയായിരുന്നു.
അതേ സമയംമൈനുകളും മറ്റ് സ്ഫോടകവസ്തുക്കളും നഗരത്തിൽ പലയിടത്തും ഉണ്ടെന്നും ഇവ കണ്ടെത്തുവാനുള്ള ശ്രമങ്ങൾ നടക്കുകയാണെന്നും സൈന്യം വ്യക്തമാക്കി . നഗരത്തിൽ വിജയാഹ്ളാദം പ്രകടിപ്പിച്ച് സൈനികർ പരസ്പരം ആലിംഗനം ചെയ്യുന്നതിന്റെയും മറ്റും ചിത്രങ്ങൾ പ്രചരിച്ചു തുടങ്ങി.
Post Your Comments