ജിയോയ്ക്ക് വെല്ലുവിളിയായി പുതിയ ഓഫറുമായി വോഡാഫോണ്‍

റിലയന്‍സ് ജിയോയ്ക്ക് വെല്ലുവിളിയായി ദീപാവലിയോടനുബന്ധിച്ച് 399 രൂപയുടെ പുതിയ റീചാര്‍ജ്ജ് പ്ലാനുമായി വോഡാഫോണ്‍. 399 രൂപയ്ക്ക് റീച്ചാര്‍ജ് ചെയ്യുന്നവര്‍ക്ക് ആറ് മാസത്തേക്ക് 90 ജിബി ഡാറ്റയും പരിധിയില്ലാത്ത കോളുകളും ലഭിക്കും.

അതേസമയം ജിയോയും എയര്‍ടെലും നേരത്തെ തന്നെ 399 രൂപയുടെ പ്ലാനുകള്‍ അവതരിപ്പിച്ചിരുന്നു. ജിയോയുടെ 399 രൂപയുടെ പ്ലാനില്‍ പ്രതിദിനം ഒരു ജിബി ഡാറ്റ വീതം 84 ദിവസത്തേക്ക് 84 ജിബി 4ജി ഡാറ്റയാണ് ലഭിക്കുന്നത്. സൗജന്യ ലോക്കല്‍, എസ്ടിഡി, റോമിങ്, വോയ്സ് കോളുകൾ, പരിധിയില്ലാത്ത എസ്‌എംഎസ് സൗകര്യം എന്നിവ ഈ ഓഫറിൽ ലഭ്യമാണ്. എയര്‍ടെലില്‍ 399 രൂപയുടെ പ്ലാനിനൊപ്പം 4ജി ഫോണ്‍ ഉപയോക്താക്കള്‍ക്ക് ദിവസേന ഒരു ജിബി ഡാറ്റ വീതം 28 ദിവസത്തേക്കും മറ്റ് ഫോണുകള്‍ ഉപയോഗിക്കുന്നവര്‍ക്ക് 28 ദിവസത്തേക്ക് പ്രതിദിനം 1.25 ജിബി ഡാറ്റയും ലഭ്യമാകും.