ന്യൂഡല്‍ഹി: മന്ത്രിമാരുടെ കാറും മോഷ്ടിക്കപ്പെടുന്നു. ഡല്‍ഹി മുഖ്യമന്ത്രിയുടെ കാര്‍ സെക്രട്ടറിയേറ്റില്‍ നിന്നും മോഷ്ടിക്കപ്പെട്ടു. ഡല്‍ഹി സെക്രട്ടറിയേറ്റില്‍ നിര്‍ത്തിയിട്ടിരുന്ന നീല വാഗണ്‍ ആര്‍ കാറാണ് മോഷ്ടിക്കപ്പെട്ടത്.
മുഖ്യമന്ത്രിയായതിന് ശേഷം ആഡംബരം ഒഴിവാക്കുന്നതിന് കെജ്രിവാള്‍ ഈ കാറാണ് ഉപയോഗിച്ചിരുന്നത്. മാധ്യമങ്ങളില്‍ ഈ കാര്‍ നിറഞ്ഞുനിന്നിരുന്നു. അതേസമയം കഴിഞ്ഞ ഏതാനും നാളുകളായി മോഷ്ടിക്കപ്പെട്ട കാര്‍ കെജ്രിവാള്‍ ഉപയോഗിച്ചിരുന്നില്ല.
ആം ആദ്മി പാര്‍ട്ടിയുടെ മാധ്യമ കോര്‍ഡിനേറ്റര്‍ വന്ദന സിംഗ് ആണ് ഈ കാര്‍ ഇപ്പോള്‍ ഉപയോഗിക്കുന്നത്. കാര്‍ മോഷ്ടിക്കപ്പെട്ട സംഭവത്തില്‍ സിംഗ് ഐ.പി എസ്റ്റേറ്റ് പോലീസ് സ്റ്റേഷനില്‍ പരാതി നല്‍കി.
Post Your Comments