ഇടുക്കി: ഓട്ടോറിക്ഷാ നിയന്ത്രണം വിട്ട് താഴ്ചയിലേയ്ക്ക് മറിഞ്ഞ് യുവാവ് മരിച്ചു. വാഹനത്തിലുണ്ടായിരുന്ന മറ്റ് രണ്ട് പേർക്ക് പരിക്കേറ്റു. ഉടുമ്പന്നൂര്‍ സ്വദേശി കൊള്ളിക്കുന്നേല്‍ കെ.ഇ.ഇബ്രാഹിമിന്റെ മകന്‍ അനസാണ് (35) മരിച്ചത്. ആറ്റുപ്പുറത്ത് ഇബ്രാഹിം ഇയാളുടെ ഭാര്യ എന്നിവര്‍ക്കാണ് പരിക്കേറ്റത്. പരിക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു.
എതിരെ വന്ന വാഹനത്തിന് സൈഡ് കൊടുത്ത് മുന്നോട്ടു പോകുന്നതിനിടയില്‍ നിയന്ത്രണം നഷ്ടപ്പെട്ട ഓട്ടോ കലുങ്കിന് സമീപത്തു നിന്നും പത്തടിയിലേറെ താഴ്ചയിലേയ്ക്ക് മറിയുകയായിരുന്നു. അപകടത്തില്‍ ഓട്ടോറിക്ഷാ പൂര്‍ണമായും തകര്‍ന്നു. ഉടുമ്ബന്നൂര്‍ പൊലീസ് മേല്‍നടപടികള്‍ സ്വീകരിച്ചു
Post Your Comments