സച്ചിനെയും ധോണിയേയും പിന്നിലാക്കി പുതിയ റെക്കോർഡുമായി രോഹിത്

നാഗ്പൂര്‍: ഓസീസിനെതിരായ അവസാന ഏകദിനത്തിലെ തകര്‍പ്പന്‍ സെഞ്ച്വറിക്കിടെഏകദിന ക്രിക്കറ്റില്‍ ആറായിരം റണ്‍സെന്ന നേട്ടവുമായി ഇന്ത്യന്‍ ഓപ്പണര്‍ രോഹിത് ശര്‍മ. 162 ആം ഇന്നിംഗ്‌സിലാണ് രോഹിത് ആറായിരം റണ്‍സ് തികച്ചത്. ഏറ്റവും വേഗത്തില്‍ ആറായിരം റണ്‍സ് തികയ്ക്കുന്ന മൂന്നാമത്തെ ഇന്ത്യന്‍ താരമെന്ന ബഹുമതിയും രോഹിത് സ്വന്തമാക്കി. സച്ചിനെയും (170) ധോണിയേയും (167) രാഹുല്‍ ദ്രാവിഡിനെയും (171) പിന്നിലാക്കിയാണ് രോഹിത് ഈ നേട്ടം സ്വന്തമാക്കിയത്.

വിരാട് കോഹ് ലി (136), സൗരവ് ഗാംഗുലി (147) എന്നിവരാണ് രോഹിതിനേക്കാള്‍ വേഗത്തില്‍ 6,000 റണ്‍സ് തികച്ച മറ്റ് ഇന്ത്യന്‍ താരങ്ങള്‍. ഇന്ത്യന്‍ മണ്ണില്‍ ഏകദിനത്തില്‍ ഏറ്റവും വേഗത്തില്‍ 2,000 റണ്‍സ് തികയ്ക്കുന്ന ഇന്ത്യന്‍ താരമെന്ന റെക്കോർഡും രോഹിത്തിന് തന്നെയാണ്. ഇക്കാര്യത്തില്‍ നിലവിലെ ക്യാപ്റ്റന്‍ കോഹ്‌ലി (46), മുന്‍ ക്യാപ്റ്റന്‍ ഗാംഗുലി (45) എന്നിവരെയാണ് രോഹിത് പിന്നിലാക്കിയിരിക്കുന്നത്.