നാഗ്പൂര്‍: ഓസ്ട്രേലിയയ്ക്കെതിരായ ഏകദിന പരമ്പര സ്വന്തമാക്കിയതിന് പിന്നാലെ ടീം അംഗങ്ങൾക്ക് അഭിനന്ദനവുമായി ഇന്ത്യൻ ക്യാപ്റ്റൻ വിരാട് കോഹ്ലി. പരമ്പരയിലുടനീളം മിന്നും പ്രകടനം കാഴ്ച വച്ച ഹര്‍ദികായിരുന്നു പരമ്പരയിലെ താരമായി തെരഞ്ഞെടുക്കപ്പെട്ടത്. ഓസീസ് പരമ്പര ടീമിനു സമ്മാനിച്ച മുതല്‍ക്കൂട്ടാണ് ഹര്‍ദിക് പാണ്ഡ്യ എന്ന് കോഹ്ലി പറയുകയുണ്ടായി. ഭുവനേശ്വര്‍ കുമാര്‍, ജസ്പ്രീത് ഭുംറ, ഉമേഷ് യാദവ്, കുല്‍ദീപ് യാദവ്, യുസ്വേന്ദ്ര ചാഹല്‍ എന്നിവരെയെല്ലാം പേരെടുത്ത് പറഞ്ഞ് വിരാട് കോഹ്ലി അഭിനന്ദിക്കുകയുണ്ടായി.
ടീമിലെ മുഴുവന്‍ കളിക്കാരും മിന്നും ഫോമിലാണെന്നും ആരെ അവസാന 11ല്‍ ഉള്‍പ്പെടുത്തുമെന്നത് ഇപ്പോള്‍ ഏറെ ശ്രമകരമായ ജോലിയാണെന്നും കോഹ്ലി പറഞ്ഞു. ഈ മാസം ഏഴിന് ആരംഭിക്കുന്ന ട്വന്റി-20 പരമ്പരയിലും ഈ മികവ് തുടരാനാകുമെന്നാണ് തന്‍റെ പ്രതീക്ഷയെന്നും കോഹ്ലി കൂട്ടിച്ചേര്‍ത്തു.
Post Your Comments