ന്യൂഡല്‍ഹി: അധോലോക നായകന്‍ ദാവൂദ് ഇബ്രാഹിമിന്റെ ഡി കമ്പനി രഹസ്യങ്ങള്‍ കൈമാറാന്‍ ഉപയോഗിയ്ക്കുന്ന രഹസ്യ കോഡുകള്‍ പുറത്ത്. മോദി, ഡല്‍ഹി, ബഡെ, ഡബ്ബ തുടങ്ങിയവയാണ്‌ സന്ദേശങ്ങള്‍ കൈമാറാന്‍ ദാവൂദും സംഘവും ഉപയോഗിയ്ക്കുന്ന കോഡുകള്‍. ദാവൂദ് ഇബ്രാഹിമിന്റെ ഇളയസഹോദരന്‍ ഇഖ്ബാല്‍ കസ്കറെ ചോദ്യം ചെയ്തപ്പോഴാണ് ഡി കമ്പനിയുടെ രഹസ്യ കോഡുകള്‍ പൊലീസിന് ലഭിച്ചത്.
‘മോഡി’ എന്നാല്‍ ‘ഛോട്ടാ ഷക്കീല്‍’ എന്നാണ് അര്‍ത്ഥം. ‘കറാച്ചി’യുടെ കോഡായാണ് ‘ഡല്‍ഹി’ എന്നുപയോഗിക്കുന്നത്. സംഘത്തലവന്‍’ ദാവൂദ് ഇബ്രാഹി’മിനെ വിശേഷിപ്പിച്ചിരുന്നത് ‘ബഡേ’ എന്ന കോഡ് ഉപയോഗിച്ചാണ്. ‘ഡബ്ബ’ എന്ന കോഡ് അര്‍ത്ഥമാക്കുന്നത് ‘പൊലീസ് വാന്‍’ എന്നാണെന്നും കസ്കര്‍ പൊലീസിനോട് വെളിപ്പെടുത്തി.
ഒരു ലക്ഷം രൂപ’യ്ക്ക് ‘ഏക് ഡബ്ബ’ എന്ന് നേരത്തെ ഉപയോഗിച്ചിരുന്ന കോഡ് ‘ഏക് പെട്ടി’ എന്നാക്കി മാറ്റി. ‘ഒരു കോടി രൂപ’യ്ക്ക് ‘ഏക് ഖോക’ എന്നതിന് പകരം ‘ഏക് ബോക്സ് ‘ എന്നാണ് ഇപ്പോള്‍ കോഡായി ഉപയോഗിക്കുന്നതെന്നും കസ്കര്‍ പൊലീസിനോട് പറഞ്ഞു.
ദാവൂദ് ഇബ്രാഹിമും സഹോദരന്‍ അനീസ് ഇബ്രാഹിമും പാകിസ്താനിലുണ്ടെന്നും ഇഖ്ബാല്‍ കസ്കര്‍ പൊലീസിനോട് വെളിപ്പെടുത്തിയിട്ടുണ്ട്.
Post Your Comments