സാഗർ: നവജാത ശിശുക്കളുടെ മൃതദേഹങ്ങൾ അടങ്ങിയ ബാഗ് കണ്ടെത്തി. മധ്യപ്രദേശിലെ സാഗറിലെ പോലീസ് ട്രെയിനിംഗ് കോളജ് ഗ്രൗണ്ടിനു സമീപത്തെ വഴിവക്കിലാണ് മൂന്ന് നവജാത ശിശുക്കളുടെ മൃതദേഹങ്ങൾ അടങ്ങിയ ബാഗ് കണ്ടെത്തിയത്. നാട്ടുകാരാണ് മൃതദേഹങ്ങൾ അടങ്ങിയ ബാഗ് കണ്ടെത്തിയ വിവരം പോലീസിനെ അറിയിച്ചത്. ദിവസങ്ങൾക്കു മുൻപ് മാത്രം ജനിച്ച കുഞ്ഞുങ്ങളുടേതാണ് മൃതദേഹങ്ങളെന്നും മൃതദേഹങ്ങളിൽ രണ്ടെണ്ണം പെണ്‍കുഞ്ഞുങ്ങളുടേതാണെന്നും ഗോപാൽഗഞ്ജ് പോലീസ് അറിയിച്ചു. മൃതദേഹങ്ങൾ പോസ്റ്റ്മോർട്ടത്തിനയച്ചു. കഴിഞ്ഞ ദിവസങ്ങളിൽ സമീപത്തെ ആശുപത്രികളിൽ ജനിച്ച കുഞ്ഞുങ്ങളുടെ കണക്ക് പരിശോധിച്ച് വരുകയാണെന്നും പോലീസ് പറഞ്ഞു.
Post Your Comments