ഇസ്ലാമാബാദ്: ഭാരതത്തിന്റെ ഭാഗത്ത് നിന്നുള്ള സൈനിക നടപടികൾ പ്രതിരോധിക്കാന്‍ ഹ്രസ്വദൂര ആണവായുധം വികസിപ്പിച്ചിട്ടുണ്ടെന്ന് പാകിസ്താന്‍ പ്രധാനമന്ത്രി ശാഹിദ് അബ്ബാസി പറഞ്ഞു. പാകിസ്താന്റെ ആണവായുധങ്ങള്‍ സുരക്ഷിതമാണെന്നും അബ്ബാസി പറഞ്ഞു.
അഫ്ഗാനിസ്താനില്‍ സമാധാനം സ്ഥാപിക്കുന്നതിന് ഇന്ത്യക്ക് ഒരു പങ്കും വഹിക്കാനില്ലെന്നും അദ്ദേഹം പറഞ്ഞു. അഫ്ഗാനിസ്താനില്‍ സമാധാനവും സുരക്ഷിതത്തവും പുനഃസ്ഥാപിക്കാന്‍ യു.എസ് പ്രസിഡന്‍റ് ട്രംപ് ഇന്ത്യയുടെ സഹായം അഭ്യര്‍ഥിച്ചതിനോട് പ്രതികരിക്കുകയായിരുന്നു അബ്ബാസി. ഇന്ത്യക്ക് അഫ്ഗാനില്‍ രാഷ്ട്രീയമായോ സൈനികമായോ ഒരു പങ്കും വഹിക്കാനില്ല. ഇത് കാര്യങ്ങള്‍ കൂടുതല്‍ സങ്കീര്‍ണമാക്കുകയേയുള്ളൂവെന്നും അദ്ദേഹം പറഞ്ഞു.
ഹ്രസ്വദൂര ആണവായുധം നിര്‍മിച്ചത് ഇന്ത്യന്‍ യുദ്ധതന്ത്രത്തെ പ്രതിരോധിക്കാനാണെന്നും അബ്ബാസി തന്റെ ആദ്യ അന്താരാഷ്ട്ര അഭിമുഖത്തില്‍ അറിയിച്ചു. ആണവായുധ പരിപാടികള്‍ വേണ്ടവിധം കൈകാര്യം ചെയ്യാന്‍ സാധിക്കില്ലെന്ന മറ്റുള്ളവരുടെ ധാരണയെ തുരത്തുകയാണ് പാകിസ്താന്റെ പ്രാഥമിക ലക്ഷ്യമെന്നും അബ്ബാസി പറഞ്ഞു.
Post Your Comments