ഖാർ ; രണ്ടിടങ്ങളിൽ ഉണ്ടായ ഭീകരാക്രമണത്തിൽ പത്തു മരണം. വടക്കു പടിഞ്ഞാറൻ പാകിസ്താനിലും അഫ്ഗാനിസ്ഥാനിലെ ഖോസ് പ്രവിശ്യയിലുമുണ്ടായ ഭീകരാക്രമണത്തിലാണ് പത്തു പേർ കൊല്ലപ്പെട്ടത്. പാകിസ്താനിലെ മമൂൻദിൽ റോഡരികിൽ സ്ഥാപിച്ച ബോംബ് പൊട്ടിത്തെറിച്ച് ആറു പേരാണ് കൊല്ലപ്പെട്ടത്. സ്ഫോടനത്തിന്റെ ഉത്തരവാദിത്വം പാകിസ്ഥാൻ സംഘടന തെഹ്‌രീക്-ഇ-താലിബാൻ ഏറ്റെടുത്തു.
അഫ്ഗാനിസ്ഥാനിലെ ഖോസ് പ്രവിശ്യയിലെ മൊബൈൽഫോൺ മാർക്കറ്റിലുണ്ടായ സ്‌ഫോടനത്തിൽ നാല് പേരാണ് കൊല്ലപ്പെട്ടത്. പാട്ടുകളും വീഡിയോകളും ഡൗൺലോഡ് ചെയാൻ ആളുകളെത്തുന്ന സ്ഥലത്താണ് സ്ഫോടനം ഉണ്ടായതെന്നും 14 പേർക്ക് പരിക്കേറ്റതായും ഖോസ് പ്രവിശ്യ പോലീസ് പറഞ്ഞു
Post Your Comments