കൊച്ചി: പാലക്കാട് കോട്ടായിയില്‍ ഇരട്ട കൊലപാതകം നടത്തിയ പ്രതിയെ പോലീസ് പിടികൂടി. തോലന്നൂരില്‍ വൃദ്ധ ദമ്പതികള്‍ വീടിനുള്ളില്‍ കൊല്ലപ്പെട്ട സംഭവത്തിലെ പ്രതിയാണ് പോലീസ് പിടിയിലായത്. എറണാകുളം പറവൂര്‍ സ്വദേശി സുദര്‍ശനെയാണ് സംഭവുമായി ബന്ധപ്പെട്ട് പോലീസ് അറസ്റ്റ് ചെയ്തത് . പ്രതിയെ പോലീസ് ചോദ്യം ചെയുകയാണ്. പുളയ്ക്കല്‍ പറമ്പില്‍ സ്വാമിനാഥന്‍ (72), ഭാര്യ പ്രേമകുമാരി(62) എന്നിവരാണ് കൊല്ലപ്പെട്ടത്. സ്വാമിനാഥനെ കഴുത്തറുത്തും പ്രേമകുമാരിയെ കഴുത്ത് ഞെരിച്ചുമാണ് കൊലപ്പെടുത്തിയത്.
ജീവന് ഭീഷണിയുള്ളതായി കാണിച്ച് സ്വാമിനാഥന്‍ ഒരാഴ്ചമുമ്പ് പരാതി നല്‍കിയിരുന്നുവെങ്കിലും ഇതില്‍ കാര്യമായ അന്വേഷണം നടന്നിരുന്നില്ല. സ്വാമിനാഥനും ഭാര്യ പ്രേമ കുമാരിക്കും രണ്ട് ആണ്‍മക്കളും ഒരു മകളും ഉണ്ട്. കൊല നടക്കുന്ന സമയത്ത് ഇവരാരും വീട്ടില്‍ ഉണ്ടായിരുന്നില്ല. ഒരു മകന്‍ വിദേശത്താണ്. കഴിഞ്ഞ ദിവസം രാത്രിയാണ് നാടിനെ നടുക്കിയ ഇരട്ട കൊലപാതകം അരേങ്ങറിയത്.
Post Your Comments