ന്യൂഡല്‍ഹി: വടക്ക് കിഴക്കന്‍ സംസ്ഥാനങ്ങളില്‍ സ്തിഥി ചെയ്യുന്ന മക്‌ഡൊണാള്‍ഡിന്റെ 169 റസ്‌റ്റോറന്റുകള്‍ക്ക് ഇന്ന് താഴുവീഴും. ബ്രാന്‍ഡിന്റെ പേരോ, ട്രേഡ് മാര്‍ക്കോ ഉപയോഗിക്കാന്‍ സെപ്റ്റംബര്‍ ആറ് മുതല്‍ കൊണാട്ട് പ്ലെയ്‌സ് റസ്റ്റോറന്റ് ലിമിറ്റഡിന് അനുമതിയില്ലാത്ത സാഹചര്യത്തെ തുടര്‍ന്നാണ്‌ ഇത്തരത്തിലൊരു നീക്കം.
യുഎസ് കേന്ദ്രമായുള്ള മക്‌ഡൊണാള്‍ഡ് ഫ്രാഞ്ചൈസി എഗ്രിമെന്റ് നേരത്തെ തന്നെ റദ്ദാക്കിയിരുന്നു. കമ്പനിയുടെ നടപടിക്കെതിരെ സിപിആര്‍എല്‍ എംഡി വിക്രം ബക്ഷി നാഷണല്‍ കമ്പനി ട്രിബ്യൂണലിനെ സമീപിച്ചെങ്കിലും ഹര്‍ജി തള്ളി. പൂട്ടല്‍ നടപ്പിലാവുന്നതോടെ പൂട്ടുന്നതോടെ പ്രത്യക്ഷമായും പരോക്ഷമായും 10,000 പേരെ ബാധിക്കുമെന്നാണ് കണക്കുകള്‍ സൂചിപ്പിക്കുന്നത്. എന്നാല്‍ സ്റ്റോറുകള്‍ പൂട്ടുന്നതുമായ ബന്ധപ്പെട്ട കാര്യങ്ങളില്‍ പ്രതികരിക്കാന്‍ വിക്രം ബക്ഷി ഇനിയും തയ്യാറായിട്ടില്ല. നാഷണല്‍ കമ്പനി ലോ അപ്പലേറ്റ് ട്രിബ്യൂണലിനെ സമീപിച്ചിട്ടുണ്ടെന്നുമാത്രമാണ് അദ്ദേഹം പറഞ്ഞത്.
Post Your Comments