അഹമ്മദാബാദ്: പട്ടേൽ സമര നായകൻ ഹാർദ്ദിക്‌ പട്ടേലിനെ പിടിച്ചുപറി, ഭീഷണിപ്പെടുത്തൽ എന്നീ കുറ്റങ്ങൾക്ക് പോലീസ് അറസ്റ്റ് ചെയ്തു. പാട്ടിദാർ അനാമത് ആന്ദോളൻ സമിതിയുടെ കോർ കമ്മിറ്റി നേതാവ് നരേന്ദ്ര ഭായ് പട്ടേൽ നൽകിയ പരാതിയിലാണ് അറസ്റ്റ്. പാട്ടിദാർ സമര പ്രക്ഷോഭത്തിനിടെ മരിച്ച സമുദായാംഗങ്ങളുടെ സ്മരണയ്ക്കായി നടത്തിയ പരിപാടിക്കിടെ ആഗസ്റ്റ് 26 നു ഹാർദ്ദിക്‌ പട്ടേൽ ദിലീപ് സാവെളിയ എന്നയാളെ കയ്യേറ്റം ചെയ്തതായാണ് പരാതിയിൽ പറയുന്നത്.
കൂടാതെ ഇയാളുടെ ഫോൺ വലിച്ചെറിയുകയും സ്വർണ്ണമാല പൊട്ടിച്ചെടുക്കുകയും ഭീഷണിപ്പെടുത്തുകയും ചെയ്തു. ഈ ചടങ്ങിനിടെ പരാതിക്കാരനുമായി വാക്കു തർക്കത്തിലും ഏർപ്പെട്ടിരുന്നു. തുടർന്നാണ് പരാതി നൽകിയത്. ബറോഡയിൽ എക്സ്പ്രസ്സ് ഹൈ വേയിൽ നിന്നാണ് ക്രൈം ബ്രാഞ്ച് ഹാർദ്ദിക്‌ പട്ടേലിനെ അറസ്റ്റ് ചെയ്തത്. ഇയാളുടെ സഹായി ബംബാനിയെയും പോലീസ് അറസ്റ്റ് ചെയ്തു.
Post Your Comments