ന്യൂഡല്‍ഹി : സ്വര്‍ണം വാങ്ങുന്നവര്‍ക്ക് തിരിച്ചടിയായി കേന്ദ്രസര്‍ക്കാര്‍ പുതിയ നിയമം കൊണ്ടുവരുന്നു. ഇനിമുതല്‍ രണ്ടു ലക്ഷത്തിനു മുകളിലുള്ള ഇടപാടുകള്‍ക്കു പാന്‍ വേണമെന്നാണ് വ്യവസ്ഥ. പണം നല്‍കിയുള്ള ഇടപാടുകള്‍ക്കു പ്രതിദിന പരിധി ഏര്‍പ്പെടുത്താനും ശുപാര്‍ശയുണ്ട്. കേന്ദ്ര ധനമന്ത്രാലയം നിയോഗിച്ച വിദഗ്ധ സമിതിയാണ് സ്വര്‍ണ ഇടപാടുകള്‍ക്ക് കര്‍ശന നിര്‍ദ്ദേശം നല്‍കിയിരിക്കുന്നത്.
ലോകത്തെ മറ്റ് രാജ്യങ്ങളേക്കാള്‍ സ്വര്‍ണ ഇടപാടുകള്‍ ഏറ്റവും കൂടുതല്‍ നടക്കുന്നത് ഇന്ത്യയിലാണെന്ന് കമ്മിറ്റി പഠനത്തില്‍ കണ്ടെത്തി. പാന്‍ നിര്‍ബന്ധമാക്കുന്നതോടെ രഹസ്യ വില്‍പന വര്‍ധിക്കുന്നതു തടയാന്‍ സ്വര്‍ണ ഇടപാടുകള്‍ക്കെല്ലാം റജിസ്‌ട്രേഷന്‍ നിര്‍ബന്ധമാക്കണം. ഇതിന്റെഭാഗമായി ഇലക്ട്രോണിക് രജിസ്റ്റ്രി രൂപീകരിക്കണം.
സ്വര്‍ണവിപണിയില്‍ നികുതിയൊഴിവാക്കുന്നതിനു പ്രവണത കൂടുതലുള്ളതുകൊണ്ട് അധികൃതര്‍ ആദായനികുതി വിവരങ്ങള്‍ കാര്യക്ഷമമായി ഉപയോഗിക്കണം. സ്വര്‍ണം ലാഭകരമായി നിക്ഷേപിക്കുന്നതിനു കുടുംബങ്ങളെയും വ്യക്തികളെയും പ്രോത്സാഹിപ്പിക്കണം. കൂടുതല്‍ സ്വര്‍ണം കൈവശംവയ്ക്കാന്‍ താല്‍പര്യപ്പെടുന്നതു നികുതി വെട്ടിക്കാനാണെന്നു സംശയിക്കാം. നിലവിലുള്ള സ്വര്‍ണ കടപ്പത്രങ്ങളുടെ അവകാശം അമ്മയില്‍നിന്നു പെണ്‍മക്കള്‍ക്കു ലഭിക്കുംവിധമാക്കുക. പെണ്‍മക്കളില്ലെങ്കില്‍ മാത്രമേ ആണ്‍മക്കള്‍ക്കു നല്‍കാവൂ. സ്വര്‍ണ വിപണിയില്‍ നടക്കുന്ന നികുതി വെട്ടിപ്പുകള്‍ തടയാനും കള്ളക്കടത്തുകള്‍ ഒഴിവാക്കാനും പുതിയ നിര്‍ദേശങ്ങള്‍ നടപ്പാക്കിയാല്‍ സാധിക്കും എന്ന കണക്ക്കൂട്ടലാണ് കേന്ദ്രസര്‍ക്കാരിനുള്ളത്.
2 ലക്ഷം രൂപയോ അതിലധികമോ ഇടപാടിന്മേല്‍ പാന്‍ കാര്‍ഡ് നിര്‍ബന്ധമാക്കാനുള്ള സര്‍ക്കാരുകളുടെ തീരുമാനത്തെത്തുടര്‍ന്ന് ഓള്‍ ഇന്ത്യ ജെംസ് ആന്‍ഡ് ജുവലറി ട്രേഡ് ഫെഡറേഷന്‍ (ജിഎഫ്എഫ്) അസംതൃപ്തി പ്രകടിപ്പിച്ചു. എന്നാല്‍ സമിതിയുടെ പുതിയ നിര്‍ദേശങ്ങള്‍ പ്രായോഗികമല്ലെന്ന് വ്യാപാരികള്‍ പറഞ്ഞു. 70 ശതമാനം ഗ്രാമീണര്‍ വാങ്ങുന്നവരും കൃഷിക്കാരും അതില്‍ ഉള്‍പ്പെടുന്നില്ല, കാരണം അവര്‍ക്ക് ടാക്‌സ് നെറ്റ്വര്‍ക്കില്‍ ഇല്ല, പാന്‍ കാര്‍ഡുകള്‍ ഇല്ല. ജൂവലറി സേവനത്തിനായി പാന്‍ കാര്‍ഡിന്റെ ആവശ്യകത നീക്കി ഗവണ്‍മെന്റിനോട് ആവശ്യപ്പെടാനും ഫെഡറേഷന്‍ തീരുമാനിച്ചു.
വ്യവസായം കൂടുതല്‍ സമ്പദ്ഘടനയും വ്യവസായ സൗഹൃദ നയങ്ങളും കൊണ്ടുവരേണ്ടതുണ്ട്. സ്വര്‍ണത്തിന്റെയും വെള്ളിയുടെയും അസംസ്‌കൃതവസ്തുക്കളുടെ വിലയില്‍ 80 ശതമാനത്തിലധികം വിലമതിക്കുന്നതാണ് സ്വര്‍ണത്തിന്റെയും വെള്ളിയുടെയും ആഭരണങ്ങള്‍.
ലണ്ടന്‍ ഇംപീരിയല്‍ കോളജ് പ്രഫസര്‍ തരുണ്‍ രാമദൊരൈ അധ്യക്ഷനായ സമിതിയുടേതാണു ശുപാര്‍ശകള്‍. റിസര്‍വ് ബാങ്ക്, സെബി, ഇന്‍ഷുറന്‍സ് നിയന്ത്രണ അഥോറിറ്റി, പെന്‍ഷന്‍ ഫണ്ട് നിയന്ത്രണ അഥോറിറ്റി പ്രതിനിധികളും ഉള്‍പ്പെട്ടതായിരുന്നു സമിതി.
Post Your Comments