ലക്ക്നൌ: ഉത്തര്‍പ്രദേശില്‍ വീണ്ടും ട്രെയിന്‍ പാളം തെറ്റി 100 യാത്രക്കാര്‍ക്ക് പരിക്ക്. ഔറിയയില്‍ കൈഫിയത് എക്സ്പ്രസ് ട്രെയിനാണ് പാളം തെറ്റിയത്. അസംഗഡില്‍നിന്ന് ഡല്‍ഹിയിലേക്ക് പുറപ്പെട്ട ട്രെയിന്‍ പാട്ട- അഛാല്‍ഡ സ്റ്റേഷനുകള്‍ക്ക് മധ്യേ വെച്ചാണ് അപകടം സംഭവിച്ചത്. നിര്‍മാണസാമഗ്രികള്‍ കയറ്റിയ ഒരു ഡന്പറുമായി(ലോറി) കൂട്ടിയിടിച്ചാണ് അപകടം ഉണ്ടായാതെന്ന് റെയില്‍വേ വൃത്തങ്ങള്‍ അറിയിച്ചു. ഇടിയെത്തുടര്‍ന്ന് ട്രെയിനിന്‍റെ 10 ബോഗികള്‍ പാളം തെറ്റിയെന്നും 100 യാത്രക്കാര്‍ക്ക് പരിക്കേറ്റന്നും ഔറിയ എസ്പി സഞ്ജയ് ത്യാഗി പറഞ്ഞു.
Post Your Comments